(॥పల్లవి॥)
ఉన్న సుద్దులేల మాకు వూర విచారములెల్ల
వెన్నునికి మొక్కుటే వేవేలు మాకు
(॥ఉన్న॥)
నగధర నందగోప నరసింహ వామన
జగదేకపతియనే జపము మాది
తగు హరిడింగరీఁడ దాసుఁడ బంటననేటి-
మిగులఁ బెద్దతనము మించేది మాకు
(॥ఉన్న॥)
హరి పుండరీకాక్ష ఆదినారాయణయనేటి-
ధర నామమంత్రములే ధనము మాకు
సరుస శంఖచక్రాలు సర్వేశుదాసుల సేవె
మరిగినదె మామతమును మనికె
(॥ఉన్న॥)
శ్రీవేంకటేశయని శేషగిరివేదాద్రి
భావించి కొలుచుటే మాబ్రదుకెల్లను
కైవల్యమిదియె కంటి మిట్టి మంచిత్రోవ
పావనమైతిమి మమ్ముఁ బాలించె నితఁడు
(||pallavi||)
unna suddulela māgu vūra visāramulĕlla
vĕnnunigi mŏkkuḍe vevelu māgu
(||unna||)
nagadhara naṁdagoba narasiṁha vāmana
jagadegabadiyane jabamu mādi
tagu hariḍiṁgarīm̐ḍa dāsum̐ḍa baṁṭananeḍi-
migulam̐ bĕddadanamu miṁchedi māgu
(||unna||)
hari puṁḍarīgākṣha ādinārāyaṇayaneḍi-
dhara nāmamaṁtramule dhanamu māgu
sarusa śhaṁkhasakrālu sarveśhudāsula sevĕ
mariginadĕ māmadamunu manigĕ
(||unna||)
śhrīveṁkaḍeśhayani śheṣhagirivedādri
bhāviṁchi kŏlusuḍe mābradugĕllanu
kaivalyamidiyĕ kaṁṭi miṭṭi maṁchitrova
pāvanamaidimi mammum̐ bāliṁchĕ nidam̐ḍu