തിരുവാതിര രാവു പോലും ഇരുളിൽ മുങ്ങിയല്ലോ
തഴുകും തിരമാല തേങ്ങി കിളികൾ കേണുറങ്ങി
ഗാനമൊഴിഞ്ഞു വീണയിൽ കനലായ് മാറി ഓർമ്മകൾ
ദൂരെ മാഞ്ഞു പോയ് സ്നേഹതാരകം
(തിരുവാതിര രാവു...)
എന്തു മോഹമായിരുന്നു വിങ്ങുമുൾക്കളങ്ങളിൽ (2)
എന്തു ദാഹമായിരുന്നു പോയ പൊൻകിനാക്കളിൽ
ആർദ്രമായ് രാവുകൾ ശാന്തമായ് പകലുകൾ
കനവുകളുത്സവം കഴിഞ്ഞ കന്യായാമമായ്
(തിരുവാതിര രാവു...)
പൊന്നിതൾ പൊഴിഞ്ഞു വീണു കണ്ണുനീർക്കയങ്ങളിൽ
അരികിലേക്കണഞ്ഞ രൂപം നിഴലു പോലകന്നു പോയ്
മലരുകൾ വിടരുമാ മധുവനം മൂകമായ്
രാക്കിളി പാട്ടുമായ് മറഞ്ഞു കാണാച്ചില്ലയിൽ
(തിരുവാതിര രാവു...)