താരകമലരുകള് വിരിയും പാടം ദൂരെ അങ്ങു ദൂരെ
വാടാമലരുകള് വിരിയും പാടം നെഞ്ചില് ഇടനെഞ്ചില്
കതിരുകള് കൊയ്യാന് പോകാം ഞാനൊരു കൂട്ടായ് കൂടാം
ആകാശത്തമ്പിളിപോലൊരു കൊയ്ത്തരിവാളുണ്ടോ
കരിവളകള് മിന്നും കയ്യില് പൊന്നരിവാളുണ്ടേ
(താരകമലരുകള്)
ഉറങ്ങാതിരിക്കിലും ഉറങ്ങിയെന്നാകിലും
നീയെന് കിനാവിലെ ചെന്താരകം
ഇരുട്ടിന്റെ ജാലകം തുറന്നെത്തിനോക്കുന്നു
ഉറങ്ങാത്ത തോഴനെ വെണ്ചന്ദ്രിക
വന്മതിലിന് നാട്ടുകാരി നീയെന്
സന്ധ്യകളില് കുങ്കുമം ചൊരിഞ്ഞു
ഓണവില്ലിന് നാടുകാണാന് പോകാം
ഓടിവള്ളം തുഴയുമ്പോള് പാടാം
കൂടെവരൂ... കൂട്ടുവരൂ...
(താരകമലരുകള്)
പാടാതിരിക്കുവാനാവില്ലെനിക്കു നിന്
പ്രണയപ്രവാഹിനിയില് അലിഞ്ഞീടവേ
കാറ്റേറ്റു പാടുമീ പാട്ടിന് ലഹരിയില്
ഉള്ച്ചില്ലയാകവേ പൂത്തുലഞ്ഞുവോ
കന്നിവെയില്ക്കോടി ഞൊറിയുന്നു
വേളിപ്പെണ്ണായ് നിന്നെയൊരുക്കുന്നു
പൂങ്കിനാവിന് പൂവിറുത്തു കോര്ക്കാം
മാലയാക്കി നിന്റെ മാറില്ച്ചാര്ത്താന്
കൂടെവരൂ... കൂട്ടുവരൂ...
(താരകമലരുകള്)