తానేడో మనసేడో తత్తరము లవి యేడో
(॥పల్లవి॥)
తానేడో మనసేడో తత్తరము లవి యేడో
పానిపట్టి ఇటువంటి భ్రమ యింత గలదా
(॥తానే॥)
సుదతి విభునిమోము చూచె పరాకున
అదనఁ గప్రపుభర ణద్దమంటాఁ జూచీనే
పదకము నడుమఁ బైపైఁ బెట్టి మొలనూలు
కదిసి హారమంటాఁ గటుకొనెఁ జూడవే
(॥తానే॥)
యేఁటవెట్టి పతితోడ మాటలాడి వేగిరాన
గాఁటపుటందెలు తనకరములఁ బెట్టీనే
పాటియైనవుంగరాలు పాదపువేళ్ళఁ బెట్టి
యీటుగా మట్టెలు వేళ్ళ నిదియేల పెట్టీనే
(॥తానే॥)
కామిని శ్రీవేంకటేశుఁ గదిసేటి వేడుకను
వేమరు మాణిక్యములు విడెమంటా నిచ్చీనే
ఆమని రతిఁ దనిసి అంతలో నన్నీఁదెలిసి
సామజగమన ఇన్నీఁ జక్కఁ జేసుకొనెనే
(||pallavi||)
tāneḍo manaseḍo tattaramu lavi yeḍo
pānibaṭṭi iḍuvaṁṭi bhrama yiṁta galadā
(||tāne||)
sudadi vibhunimomu sūsĕ parāguna
adanam̐ gaprabubhara ṇaddamaṁṭām̐ jūsīne
padagamu naḍumam̐ baibaim̐ bĕṭṭi mŏlanūlu
kadisi hāramaṁṭām̐ gaḍugŏnĕm̐ jūḍave
(||tāne||)
yem̐ṭavĕṭṭi padidoḍa māḍalāḍi vegirāna
gām̐ṭabuḍaṁdĕlu tanagaramulam̐ bĕṭṭīne
pāḍiyainavuṁgarālu pādabuveḽḽam̐ bĕṭṭi
yīḍugā maṭṭĕlu veḽḽa nidiyela pĕṭṭīne
(||tāne||)
kāmini śhrīveṁkaḍeśhum̐ gadiseḍi veḍuganu
vemaru māṇikyamulu viḍĕmaṁṭā nichchīne
āmani radim̐ danisi aṁtalo nannīm̐dĕlisi
sāmajagamana innīm̐ jakkam̐ jesugŏnĕne