സ്വപ്നങ്ങൾ എന്റെ സ്വപ്നങ്ങൾ
മുല്ലപ്പന്തലൊരുക്കീ..
മോഹങ്ങൾ എന്റെ മോഹങ്ങൾ
സ്വർണ്ണത്തിരികൾ കൊളുത്തി
നെഞ്ചിലെ മന്ത്രം ചന്ദന ഗന്ധം
മലരു കതിരും നിറവും
മനവും മിഴിയും ഒരുമിക്കും നേരം
(സ്വപ്നങ്ങൾ...)
കൈയ്യിൽ കാഞ്ചനത്താലവുമേന്തി
മുന്നിൽ മെല്ലനെ വന്നു (2)
ധന്യമാം ഒരു വീഥിയിലൂടെ നമ്മൾ
പ്രദക്ഷിണം വയ്പൂ
ഇനി എന്നും നീയെന്റെ സ്വന്തം
പിരിയുവാനാവാത്ത ബന്ധം
(സ്വപ്നങ്ങൾ...)
ആദ്യരാവിന്റെ സംഗീതമോടെ
നീയെൻ ചാരത്ത് നില്പൂ (2)
എന്റെ ചിന്ത തൻ താളങ്ങളെല്ലാം
നിന്നിൽ നിന്നു ഞാൻ കേൾപ്പൂ
ഇനി നിന്നോടെന്തു ഞാൻ ചൊല്ലാം
ഇനി നിനക്കെന്തു ഞാൻ നൽകാൻ
(സ്വപ്നങ്ങൾ...)