చిత్తగించఁ గదవయ్య చెలియ సింగారము
(॥పల్లవి॥)
చిత్తగించఁ గదవయ్య చెలియ సింగారము
హత్తి నీకు దేవులుగా నన్నిటాఁ దగినది
(॥చిత్త॥)
కుప్పెసవరముతోడ కొప్పువెట్టె విరులతో
ముప్పిరి గీలించె ముత్తెముల పాపట
కప్పులుదేర నొసల గస్తూరి బొట్టమరించె
వొప్పగా రత్తాలకమ్మ లొనరించె వీనుల
(॥చిత్త॥)
కంకణ సూడిగములు కైకొనె సందిదండలు
కొంకె మెడఁ బదకముహారాలు నించె
పొంకముగ చంద్రగావిపుట్టము ధరించుకొనె
లంకించె నొడ్డాణము బిల్లల మొలనూలును
(॥చిత్త॥)
పెట్టె నందెలుఁ బెండెము బెరయఁ బాదాలను
మట్టెలు మోఁతలతోడ మలయఁగాను
ఇట్టె శ్రీ వేంకటేశ ఇంతి నిట్టె యేలితివి
పట్టము గట్టుక నీపానుపుపై నున్నది
(||pallavi||)
sittagiṁcham̐ gadavayya sĕliya siṁgāramu
hatti nīgu devulugā nanniḍām̐ daginadi
(||sitta||)
kuppĕsavaramudoḍa kŏppuvĕṭṭĕ virulado
muppiri gīliṁchĕ muttĕmula pābaḍa
kappuludera nŏsala gastūri bŏṭṭamariṁchĕ
vŏppagā rattālagamma lŏnariṁchĕ vīnula
(||sitta||)
kaṁkaṇa sūḍigamulu kaigŏnĕ saṁdidaṁḍalu
kŏṁkĕ mĕḍam̐ badagamuhārālu niṁchĕ
pŏṁkamuga saṁdragāvibuṭṭamu dhariṁchugŏnĕ
laṁkiṁchĕ nŏḍḍāṇamu billala mŏlanūlunu
(||sitta||)
pĕṭṭĕ naṁdĕlum̐ bĕṁḍĕmu bĕrayam̐ bādālanu
maṭṭĕlu mom̐taladoḍa malayam̐gānu
iṭṭĕ śhrī veṁkaḍeśha iṁti niṭṭĕ yelidivi
paṭṭamu gaṭṭuga nībānububai nunnadi