చెప్పఁబోతే వెరగయ్యీ చెలి మేలు దాఁచరాదు
(॥పల్లవి॥)
చెప్పఁబోతే వెరగయ్యీ చెలి మేలు దాఁచరాదు
వుప్పతిల్లు రతులను వోలలాడుమనవే
(॥చెప్పఁ॥)
కుప్పలాయఁ బులకలు కోమలి చెక్కులవెంట
రెప్పలనే యలపు దేరీ నిదివో
చిప్పిలి చెమట లెల్లాఁ జిమ్మిరేఁగఁ జొచ్చె మేన
యెప్పుడు వచ్చీనే విభుఁ డేమిసేసీనే
(॥చెప్పఁ॥)
చిత్తమెల్లా నీరాయ సేసకొప్పు చెదరెను
హత్తిన గుబ్బలపై పయ్యద జారెను
వత్తివలెఁ గెమ్మోని వసివాడి తేనెగారీ
బత్తిసేసి తా నెప్పుడు పడఁతి నేలీనే
(॥చెప్పఁ॥)
నిట్టూరుపులతోడ నిండుకొనెఁ గోరికలు
దట్టమాయ లోలోని తలపోఁతలు
ఇట్టె శ్రీవేంకటేశుః డింతిఁ గూడె నిందు వచ్చి
జట్టిగొనె నింకా నెంత చనవు లిచ్చీనే
(||pallavi||)
sĕppam̐bode vĕragayyī sĕli melu dām̐sarādu
vuppadillu radulanu volalāḍumanave
(||sĕppam̐||)
kuppalāyam̐ bulagalu komali sĕkkulavĕṁṭa
rĕppalane yalabu derī nidivo
sippili sĕmaḍa lĕllām̐ jimmirem̐gam̐ jŏchchĕ mena
yĕppuḍu vachchīne vibhum̐ ḍemisesīne
(||sĕppam̐||)
sittamĕllā nīrāya sesagŏppu sĕdarĕnu
hattina gubbalabai payyada jārĕnu
vattivalĕm̐ gĕmmoni vasivāḍi tenĕgārī
battisesi tā nĕppuḍu paḍam̐ti nelīne
(||sĕppam̐||)
niṭṭūrubuladoḍa niṁḍugŏnĕm̐ gorigalu
daṭṭamāya loloni talabom̐talu
iṭṭĕ śhrīveṁkaḍeśhuḥ ḍiṁtim̐ gūḍĕ niṁdu vachchi
jaṭṭigŏnĕ niṁkā nĕṁta sanavu lichchīne