സൗഗന്ധികങ്ങളേ വിടരുവിന്
സമാധിയില് നിന്നുണരുവിന്
മൗനമകരന്ദം വിളമ്പും
മധുരസ്വപ്നശതങ്ങളേ...
സൗഗന്ധികങ്ങളേ വിടരുവിന്
സമാധിയില് നിന്നുണരുവിന്...
ശിഥിലരേഖകള് എഴുതിയൊഴുകും
ശിശിരചന്ദ്രിക വിളിച്ചുവോ
കുളിരില് മുങ്ങിയ തെന്നലിന് പുതു-
കവിത നിങ്ങളെ തഴുകിയോ
ആദ്യമുറക്കി പിന്നെയുണര്ത്തും
രജനീ മന്ത്രവാദിനീ....
സൗഗന്ധികങ്ങളേ വിടരുവിന്
സമാധിയില് നിന്നുണരുവിന്...
മൃദുലപല്ലവ ദലം നുകര്ന്നൊരു
കുരുവി പാടിയ പല്ലവി
എഴുതിവാങ്ങിയ ചില്ലകള്
സ്വരമറിയുവാന് കൊതിപൂണ്ടുവോ
മദം വളർത്തി മറഞ്ഞുപോകും
രജനീ രാഗവിലാസിനീ...
സൗഗന്ധികങ്ങളേ വിടരുവിന്
സമാധിയില് നിന്നുണരുവിന്
മൗനമകരന്ദം വിളമ്പും
മധുരസ്വപ്നശതങ്ങളേ...
സൗഗന്ധികങ്ങളേ വിടരുവിന്
സമാധിയില് നിന്നുണരുവിന്...