సర్వసులభుఁ డితఁడు సర్వేశ్వరుఁడు
(॥పల్లవి॥)
సర్వసులభుఁ డితఁడు సర్వేశ్వరుఁడు
గర్వముఁ బాసితేను కానవచ్చు నితని
(॥సర్వ॥)
చింతలెల్లా నుడిగితే శ్రీపతి యందేవుండు
మంతనాన నుండితేను మరి నాతఁడే
పంతపు వుబ్బు మానితే పరమాత్ముఁడు దోడౌను
వింతలు దలఁచకుంటే విశ్వరూపమే
(॥సర్వ॥)
వెడకర్మాలు దోసితే విష్ణుని సాన్నిధ్యమబ్బు
కడునాస లొల్లకుంటే కలఁడాతఁడు
వొడ లోముకొనకుంటే వుపేంద్రుఁడు రక్షించు
పొడిఁబడకుంటేనే పూర్ణభావ మలరు
(॥సర్వ॥)
ఇతర మెరఁగకుంటే నిందిరానాథుఁడు మెచ్చు
సతిబారిఁ బడకుంటే జంటౌ నాతఁడు
హితవులు గోరకుంటే నెదుటఁ శ్రీపతి నిల్చు
జితేంద్రియవ్రతమందే శ్రీవేంకటేశుఁడు
(||pallavi||)
sarvasulabhum̐ ḍidam̐ḍu sarveśhvarum̐ḍu
garvamum̐ bāsidenu kānavachchu nidani
(||sarva||)
siṁtalĕllā nuḍigide śhrībadi yaṁdevuṁḍu
maṁtanāna nuṁḍidenu mari nādam̐ḍe
paṁtabu vubbu mānide paramātmum̐ḍu doḍaunu
viṁtalu dalam̐saguṁṭe viśhvarūbame
(||sarva||)
vĕḍagarmālu doside viṣhṇuni sānnidhyamabbu
kaḍunāsa lŏllaguṁṭe kalam̐ḍādam̐ḍu
vŏḍa lomugŏnaguṁṭe vubeṁdrum̐ḍu rakṣhiṁchu
pŏḍim̐baḍaguṁṭene pūrṇabhāva malaru
(||sarva||)
idara mĕram̐gaguṁṭe niṁdirānāthum̐ḍu mĕchchu
sadibārim̐ baḍaguṁṭe jaṁṭau nādam̐ḍu
hidavulu goraguṁṭe nĕduḍam̐ śhrībadi nilsu
jideṁdriyavradamaṁde śhrīveṁkaḍeśhum̐ḍu