(॥పల్లవి॥)
సకల లోకేశ్వరులు సరుసఁ జేకొనువాఁడు
అకలంకముగఁ బుష్పయాగంబు
(॥సక॥)
వివిధ పుష్పములతో వేదఘోషములతో
అవల దిరువాముడియ నంగనలయాటతో
కవివంది నుతులతో కమ్మఁబూజలతోడ
నవధరించీఁ బుష్పయాగంబు
(॥సక॥)
కప్పురపుటారతుల ఘనచందనముతోడ
తెప్పలధూపముల తిరువందికాపుతో
వొప్పుగఁ బణ్యారములు వొగిఁ బెక్కువగలతో
అప్పఁ డందీఁ బుష్పయాగంబు
(॥సక॥)
తగుచ త్రచామరాలతాంబూలములతోడ
పగటుతో నీరీతి పదిపూజ లందుకొని
జిగిమీరెఁ జూడరే శ్రీవేంకటేశ్వరుని -
అగణితంబగు పుష్పయాగంబు
(||pallavi||)
sagala logeśhvarulu sarusam̐ jegŏnuvām̐ḍu
agalaṁkamugam̐ buṣhpayāgaṁbu
(||saga||)
vividha puṣhpamulado vedaghoṣhamulado
avala diruvāmuḍiya naṁganalayāḍado
kavivaṁdi nudulado kammam̐būjaladoḍa
navadhariṁchīm̐ buṣhpayāgaṁbu
(||saga||)
kappurabuḍāradula ghanasaṁdanamudoḍa
tĕppaladhūbamula tiruvaṁdigābudo
vŏppugam̐ baṇyāramulu vŏgim̐ bĕkkuvagalado
appam̐ ḍaṁdīm̐ buṣhpayāgaṁbu
(||saga||)
tagusa trasāmarāladāṁbūlamuladoḍa
pagaḍudo nīrīdi padibūja laṁdugŏni
jigimīrĕm̐ jūḍare śhrīveṁkaḍeśhvaruni -
agaṇidaṁbagu puṣhpayāgaṁbu