രാഗിണിക്കാവിലെ രാക്കുയിലേ
രാഗേന്ദു നിന്നെ മറന്നതെന്തേ?
കല്പ്പനച്ചോലയില് കല്പ്പകച്ചോലയില്
കണ്ടിട്ടറിയാതിരുന്നതെന്തേ - ഒന്നും
മിണ്ടിപ്പഴകാതിരുന്നതെന്തേ?
(രാഗിണി)
രാഗം രസിക്കാത്ത രാപ്പാടിയോടൊത്ത്
രാമച്ചക്കാട്ടില് പോയ് താമസിച്ചു (2)
രണ്ടിളം താരകളെ പെറ്റെങ്കിലെന്തവള്
വെണ്ണിലാപ്പാലൂട്ടും അമ്മയായോ? (2)
(രാഗിണി)
നാളം ചലിക്കാത്ത തീജ്വാലപോല് ശില്പ്പി
പൂജിക്കും ക്ഷേത്രത്തില് കേണിരിപ്പൂ
ചൊല്ലെഴും ദേവതയെ തല്ലിത്തകര്ത്തപ്പോള്
കണ്ണിലാ ചീളേറ്റോരന്ധനായോ? (2)
(രാഗിണി )