പമ്പയാറ്റിറമ്പിൽ പൊന്നമ്പിളി വീണുറങ്ങി
രാക്കടമ്പയേറി ഒരു പുലരിയോടി വന്നു
ഓണപ്പൂമൊഴിയായ് ഒരു താരാട്ട്
(പമ്പയാറ്റിറമ്പിൽ….)
ഉണ്ണിക്കൈയ്യിൽ മിന്നി കന്നിക്കൈനേട്ടം
അരമണി മിന്നൽ കാപ്പിൽ പൂഞ്ചേല്
നിറഞ്ഞു പൈമ്പാൽ കിണ്ണം
വിളങ്ങി തിരുമുറ്റം
ഇടങ്ങഴി മുത്തു പൊലിഞ്ഞു
നിറഞ്ഞു നിലവറകൾ
താടി കരിമുകിലേ ഇനിയോടോട്
(പമ്പയാറ്റിറമ്പിൽ….)
താലി പീലി കാട്ടിൽ കൊന്നപ്പൂന്തോപ്പിൽ
ഓടക്കുഴലിൽ ചിന്നി സംഗീതം
വലംപിരി ശംഖു മുഴങ്ങി
തുടങ്ങി മേളങ്ങൾ
കുളങ്ങരെ കുരവ തുടങ്ങി
ഉറഞ്ഞു കോലങ്ങൾ
ഊഞ്ഞാൽ കുരുവികളേ ഇനി ആടാട്
(പമ്പയാറ്റിറമ്പിൽ….)