పతివి నీతో నాకు పంతము గాదా
(॥పల్లవి॥)
పతివి నీతో నాకు పంతము గాదా
రతివేళ యిది సుమ్మీ రాఁపుసేయ కిఁకను
(॥పతి॥)
నిన్నుఁ బాసి తమకము నిలుపఁ జాలక నేఁ
గన్నుల జంకించితిఁ గసరితిని
మన్నింతువు గనక నా యందెమేళ మిట్టుండె
చిన్నదానఁ జుమ్మీ నీ చిత్తము నే నెఱఁగ
(॥పతి॥)
విరహాతాపముచేత విసిగి నీవు రావంటా
విరులఁ గొని వేసితి వేసరించితి
మరిగించితివిగన మదము నా కిట్టుండె
సదసమాడితిఁ జుమ్మీ చలము సాదించను
(॥పతి॥)
పాయప టాసలచేత బలిమిఁ బైకొని యిట్టె
చెయి నీపై వేసితిఁ జెనకితిని
యీయెడ శ్రీవేంకటేశ యింతలో నన్నేలితివి
వేయిటికి మొక్కేఁ జుమ్మీ విన్నపము సేసితి
(||pallavi||)
padivi nīdo nāgu paṁtamu gādā
radiveḽa yidi summī rām̐puseya kim̐kanu
(||padi||)
ninnum̐ bāsi tamagamu nilubam̐ jālaga nem̐
gannula jaṁkiṁchidim̐ gasaridini
manniṁtuvu ganaga nā yaṁdĕmeḽa miṭṭuṁḍĕ
sinnadānam̐ jummī nī sittamu ne nĕṟam̐ga
(||padi||)
virahādābamuseda visigi nīvu rāvaṁṭā
virulam̐ gŏni vesidi vesariṁchidi
marigiṁchidivigana madamu nā kiṭṭuṁḍĕ
sadasamāḍidim̐ jummī salamu sādiṁchanu
(||padi||)
pāyaba ṭāsalaseda balimim̐ baigŏni yiṭṭĕ
sĕyi nībai vesidim̐ jĕnagidini
yīyĕḍa śhrīveṁkaḍeśha yiṁtalo nannelidivi
veyiḍigi mŏkkem̐ jummī vinnabamu sesidi