പാരിജാതം തിരുമിഴിതുറന്നു
പവിഴമുന്തിരി പൂത്തുവിടര്ന്നു
നീലോല്പലമിഴി നീലോല്പലമിഴി
നീമാത്രമെന്തിനുറങ്ങി
മൂടല് മഞ്ഞു മുലക്കച്ച കെട്ടിയ
മുത്തണിക്കുന്നിന് താഴ്വരയില്
നിത്യകാമുകീ.....
നിത്യകാമുകീ നില്പ്പൂ ഞാനീ
നിശാനികുഞ്ജത്തിന്നരികില്
എഴുന്നേല്ക്കൂ സഖീ എഴുന്നേല്ക്കൂ
ഏകാന്തജാലകം തുറക്കൂ..
പാരിജാതം.....
നിന്റെ സ്വപ്നമദാലസ നിദ്രയില്
നിന്നെയുണര്ത്തും ഗാനവുമായ്
വിശ്വമോഹിനീ.....
വിശ്വമോഹിനീ നില്പ്പൂ ഞാനീ
വികാരസരസ്സിന് കരയില്
എഴുന്നേല്ക്കൂ സഖീ എഴുന്നേല്ക്കൂ
ഏകാന്തജാലകം തുറക്കൂ..
പാരിജാതം.....