ഒന്നാം പൊന്നോണ പൂപ്പട കൂട്ടാൻ
പൂക്കണ്ണി കോരാൻ പൂക്കളം തീർക്കാൻ
ഓടി വാ തുമ്പീ പൂത്തുമ്പീ താ തെയ്..
അന്നം പൂക്കിലയൂഞ്ഞാലാടാൻ
പൂമാലപ്പെണ്ണിനെ പൂ കൊണ്ട് മൂടാൻ
ആടിവാ തുമ്പീ പെണ്തുമ്പീ താ തെയ്..
ആലാത്തൂഞ്ഞാലിലാടിപ്പറന്നുചെന്ന-
ങ്ങേക്കൈ നീട്ടി ഇങ്ങേക്കൈ നീട്ടി
ആദ്യം തൊടുന്നോരാകാശക്കനി ആർക്ക്
ആലാത്തൂഞ്ഞാലിലാടിപ്പറക്കുമ്പോൾ
അങ്ങേത്തോളിന്മേൽ ഇങ്ങേത്തോളിന്മേൽ
അല്ലിക്കിഴികുത്തും അമ്മാനപ്പഴമാർക്ക്
ഇയാൾക്ക് ഇയാൾക്ക് ഇയാൾക്ക്
ആ പൂ പൂത്തതും ഉണ്ണി വിരിഞ്ഞതും
ഞെട്ടു കറുത്തതും അന്നേ കണ്ടിട്ട്
തോണ്ടി കൊതിപ്പിച്ചോരീയാൾക്ക്..
ഇയാൾക്ക്...
ഓലപ്പന്തു മെടഞ്ഞു മെടഞ്ഞെടുത്ത
ങ്ങോട്ടോന്നടിച്ചിങ്ങോട്ടൊന്നടിച്ചാദ്യം
ജയിക്കുമ്പോൾ പൊന്നും കസവുമുണ്ടാർക്ക്...
ഓണക്കോടി ഞൊറിഞ്ഞു ഞൊറിഞ്ഞുടുത്ത-
ങ്ങോട്ടോടുമ്പോൾ ഇങ്ങോട്ടോടുമ്പോൾ
കന്നിക്കവിളിലെ സിന്ദൂരക്കൊടി ആർക്ക്
ഇയാൾക്ക് ഇയാൾക്ക് ഇയാൾക്ക്..
ആ കൊടി പൂത്തതും പൂങ്കൊടിയായതും
പൂന്തേൻ നിറഞ്ഞതും അന്നേ കണ്ടിട്ട്
നുള്ളിത്തിരിപ്പിച്ചൊരീയാൾക്ക്..
ഈയാൾക്ക്....