നുണക്കുഴിക്കവിളിൽ
നഖച്ചിത്രമെഴുതും,താരേ, താരേ !
ഒളികണ്മുനകൊണ്ട് കുളിരമ്പെയ്യുന്നതാരേ , ആരേ?
(നുണക്കുഴി..)
അനുരാഗക്കടലിൽ നിന്ന-
മൃതുമായ് പൊന്തിയ താരേ, താരേ!
മനസ്സിൽ വെച്ചെപ്പൊഴും നീ
ആരാധിക്കുന്നതാരെ, ആരെ?
ചിരികൊണ്ടു പൂക്കളെ നാണത്തിൽ മുക്കിയ താരേ.....
ചുടുചുംബനം കൊണ്ടു മൂടിപ്പുതപ്പിച്ചതാരേ,
ആരെ, ആരേ ,ആരേ ?
(നുണക്കുഴി)
മലർക്കാലം വിടർത്തുന്ന
മലരമ്പൻ വളർത്തുന്ന താരേ, താരേ
മയക്കം മിഴിയടയ്ക്കുമ്പോൾ സ്വപ്നം കാണുന്നതാരേ, ആരേ?
ശരൽകാല സന്ധ്യകൾ അണിയിച്ചൊരുക്കിയ താരേ...
സ്വയംവരപ്പന്തലിൽ മാലയിടാൻ പോണതാരേ,
ആരേ, ആരേ, ആരേ
(നുണക്കുഴി)