നിന്നിൽ നിഴലായ് താരാട്ടു മൂളും
അമ്മ തന് മൃദുലാളനം
അഴകിന് ഇതളായ് നിന് നെഞ്ചിലുണരും
തരളമാം ഒരു സ്പന്ദനം
പോയ ബാല്യവും പൊന് കിനാക്കളും
എന് കണ്മണീ....നിറം തരും അനു നിമിഷം
തേനൂറും മധുര സ്മൃതിയിലലിയൂ നീ
നിന്നിൽ നിഴലായ് താരാട്ടു മൂളും
അമ്മ തന് മൃദുലാളനം
നിറഞ്ഞൊരാപ്പുല്ത്തൊടിയില്
വിരിഞ്ഞു നിന് കൊഞ്ചലുകൾ
കണ്ണാരം പൊത്തിപ്പൊത്തി
കാശിത്തുമ്പപ്പൂവും നുള്ളി
കൊഴിഞ്ഞു പോയ ദിനവും
കളിയും ചിരിയും നിന് കുസൃതികളും
നിനവിലുണരുകയായ്
നിന്നിൽ നിഴലായ് താരാട്ടു മൂളും
അമ്മ തന് മൃദുലാളനം
ഇണങ്ങിയും പിണങ്ങിയും
പറഞ്ഞു നീ പരിഭവങ്ങള്
കണ്ണെത്താ ദൂരത്തെന്നെ കാത്തിരിക്കും നിന് മനം
കനവിലെഴുതും പുണ്യം
എന് സാന്ത്വനവും എന് സ്വരലയവും
എന് പ്രാർത്ഥനയും നീ.......
(നിന്നിൽ നിഴലായ്......)