నీవు మొదలిజాణవు నీకంటే జాణలు వారు
(॥పల్లవి॥)
నీవు మొదలిజాణవు నీకంటే జాణలు వారు
కావరపు నిన్నుఁ జూచి కన్నుల నవ్వేరు
(॥నీవు॥)
గుట్టున నెవ్వతెనో కూడవలసి యందరి
నట్టే పనులు చెప్పి యంపేవు నీవు
నెట్టన గొంద రిందులో నీతలంపు తామెరిఁగి
చుట్టి చుట్టి నీవద్దనే సుద్దులు చెప్పేరు
(॥నీవు॥)
పొద్దున నెవ్వరింటికో పోవలసి ఇంటివారి
నిద్దురలు వొమ్మనేవు నెమ్మది నీవు
వుద్దండపుకాంత లిది వూహించి తాము దెలిసి
వొద్దికతోఁబాదములు వొత్తేరు నీకును
(॥నీవు॥)
సందడి నెవ్వతెతోనో సరసమాడవలసి
అందరి వసంతాలాడుమనేవు నీవు
ఇందె శ్రీ వేంకటేశ నే నెఱింగితేఁ గూడితివి
విందు చెప్పి కొందరైతే వేడుకఁగూడేరు
(||pallavi||)
nīvu mŏdalijāṇavu nīgaṁṭe jāṇalu vāru
kāvarabu ninnum̐ jūsi kannula navveru
(||nīvu||)
guṭṭuna nĕvvadĕno kūḍavalasi yaṁdari
naṭṭe panulu sĕppi yaṁpevu nīvu
nĕṭṭana gŏṁda riṁdulo nīdalaṁpu tāmĕrim̐gi
suṭṭi suṭṭi nīvaddane suddulu sĕpperu
(||nīvu||)
pŏdduna nĕvvariṁṭigo povalasi iṁṭivāri
nidduralu vŏmmanevu nĕmmadi nīvu
vuddaṁḍabugāṁta lidi vūhiṁchi tāmu dĕlisi
vŏddigadom̐bādamulu vŏtteru nīgunu
(||nīvu||)
saṁdaḍi nĕvvadĕdono sarasamāḍavalasi
aṁdari vasaṁtālāḍumanevu nīvu
iṁdĕ śhrī veṁkaḍeśha ne nĕṟiṁgidem̐ gūḍidivi
viṁdu sĕppi kŏṁdaraide veḍugam̐gūḍeru