నీవే ఇంత సేయఁగాను నేఁడిదిగో బాలకృష్ణ
(॥పల్లవి॥)
నీవే ఇంత సేయఁగాను నేఁడిదిగో బాలకృష్ణ
వావులు యెవ్వరికైనా వాడలోన నున్నవా
(॥నీవే॥)
చలివాసె గొల్లెతలు సారె నిన్ను నెత్తుకోఁగా
వొలుగులువారె మోహ మూఁచి పాడఁగా
పలుకులకొంకు దీరె పక్కున నిన్నుఁ దిట్టఁగా
బలుమొగలకు నాండ్లు పంపుసేతురా
(॥నీవే॥)
వింత దేరెఁ గొమరెలు వీదుల నిన్నాడించఁగా
సంతలాయ నిండ్లు నీసంగాతాలను
జంతలైరి లోలోనే సారె నిన్ను ముద్దాడఁగా
కొంతయినా నత్తలకు కోటరాలు సేతురా
(॥నీవే॥)
సిగ్గెడలెఁ గన్నెలు నీచెలుములు సేయఁగాను
నిగ్గులఁ గళలు మించె నీతో నవ్వఁగా
అగ్గమై శ్రీవేంకటాద్రి నందరినిఁ గూడితివి
వొగ్గి చుట్టాలలోనెల్లా వోజలు నేరుతురా
(||pallavi||)
nīve iṁta seyam̐gānu nem̐ḍidigo bālakṛṣhṇa
vāvulu yĕvvarigainā vāḍalona nunnavā
(||nīve||)
salivāsĕ gŏllĕdalu sārĕ ninnu nĕttugom̐gā
vŏluguluvārĕ moha mūm̐si pāḍam̐gā
palugulagŏṁku dīrĕ pakkuna ninnum̐ diṭṭam̐gā
balumŏgalagu nāṁḍlu paṁpusedurā
(||nīve||)
viṁta derĕm̐ gŏmarĕlu vīdula ninnāḍiṁcham̐gā
saṁtalāya niṁḍlu nīsaṁgādālanu
jaṁtalairi lolone sārĕ ninnu muddāḍam̐gā
kŏṁtayinā nattalagu koḍarālu sedurā
(||nīve||)
siggĕḍalĕm̐ gannĕlu nīsĕlumulu seyam̐gānu
niggulam̐ gaḽalu miṁchĕ nīdo navvam̐gā
aggamai śhrīveṁkaḍādri naṁdarinim̐ gūḍidivi
vŏggi suṭṭālalonĕllā vojalu nerudurā