നീലവയലിനു പൂത്തിരുനാൾ ഇന്ന്
നിറയം പുത്തരിനാൾ
പുത്തൻ കലപ്പ കൊണ്ടുഴുതിട്ട മണ്ണിൽ
പുതുമണം പരക്കും നാൾ
ആലീ മാലീ മാനം മാനത്തശ്വതി മുത്തു
കൊണ്ടമ്മാനം
ആ മുത്തു വാരാൻ
കൂടെപ്പോരണതാരോ ആരോ
കാലിൽ ചന്ദനമെതിയടിയിട്ടൊരു
കന്നിനിലാപ്പെണ്ണ്
(നീലവയലിനും...)
എള്ളു വിതച്ചിട്ടെള്ളോല
നെല്ലു വിതച്ചിട്ടു നെല്ലോല
ഞാനൊരുപിടി മുത്തു വിതച്ചിട്ട്
എല്ലാടത്തും പൊന്നോല
(നീലവയലിനും...)
ആയില്യം മകം പൂരം അക്കരെ
യാരിയൻ പാടത്ത് കതിരാട്ടം
ആക്കതിർ കൊയ്യാൻ
കൂടെപ്പോരണതാരോ ആരോ
കൈയ്യിൽ പിച്ചളയരിവാളേന്തിയ
കരുമാടിപ്പെണ്ണ്
(നീലവയലിനും...)