nee cheytha karmmanaloronnumee mannil
നീ ചെയ്ത കർമ്മങ്ങളോരോന്നുമീ മണ്ണിൽ
മുളയിട്ടു വൃക്ഷങ്ങളാകും
വൃക്ഷത്തിലൊക്കെയും പൊത്തുകൾ നിർമ്മിച്ച്
ക്രൗര്യങ്ങൾ അട വെച്ചു വിരിയും
ഒരു ദിനം നീ നിന്റെ കണ്ണാടിയിൽ
നിന്റെ രൂപം ശിരസ്സറ്റു കാണും
നീ ചെയ്ത കർമ്മങ്ങളോരോന്നുമീ മണ്ണിൽ
മുളയിട്ടു വൃക്ഷങ്ങളാകും
അനുയാത്ര ചെയ്യുവാൻ നിഴൽ മാത്രമാകും
നിൻ വഴിയിൽ തീമുള്ള് പൂക്കും
അശ്വത്തിലേറി നീ പായുമ്പോളോർക്കാതെ
കുതിമുള്ളു കൊണ്ടു നീ നീറും
വിശ്വം ജയിക്കാൻ പിറന്ന നീ ഭൂമിയിൽ
കത്തിക്കരൾ വെന്തു വീഴും
നീ ചെയ്ത കർമ്മങ്ങളോരോന്നുമീ മണ്ണിൽ
മുളയിട്ടു വൃക്ഷങ്ങളാകും
ദൂരെ പരുന്തുകൾ പാറുന്നു മണ്ണിലെ
ഇരയെ തിരയുന്ന മിഴിയാൽ (2)
കാലമാം വേടന്റെ അമ്പേറ്റു പിടയും
നീലമേഘം കണ്ണിൽ മൂടും
അതി തീക്ഷ്ണമാം വേനൽ ഉരുകുന്ന വീഥിയിൽ
നിൻ ദാഹം ഉഷ്ണം കുടിക്കും
(നീ ചെയ്ത കർമ്മങ്ങൾ..)