நல்லதோர் வீணைசெய்தே - அதை
நலங்கெடப் புழுதியில் எறிவதுண்டோ ?
சொல்லடி , சிவசக்தி - எனைச்
சுடர்மிகும் அறிவுடன் படைத்துவிட்டாய்
வல்லமை தாராயோ, இந்த
மாநிலம் பயனுற வாழ்வதற்கே ?
சொல்லடி சிவசக்தி ! - நிலச்
சுமையென வாழ்ந்திடப் புரிகுவையோ ?
விசையுறு பந்தினைப் போல் - உள்ளம்
வேண்டிய படிசெலும் உடல் கேட்டேன்,
நசையறு மனம் கேட்டேன் - நித்தம்
நவம்எனச் சுடர்தரும் உயிர்கேட்டேன்,
தசையினைத் தீசுடினும் - சிவ
சக்தியைப் பாடும்நல் அகம்கேட்டேன்,
அசைவறு மதிகேட்டேன், இவை
அருள்வதில் உனக்கெதுந் தடையுளதோ ?
nallador vīṇaisĕyde - adai
nalaṅgĕḍap puḻudiyil ĕṟivaduṇḍo ?
sŏllaḍi , sivasakti - ĕṉaic
suḍarmigum aṟivuḍaṉ paḍaittuviṭṭāy
vallamai tārāyo, inda
mānilam payaṉuṟa vāḻvadaṟke ?
sŏllaḍi sivasakti ! - nilac
sumaiyĕṉa vāḻndiḍap puriguvaiyo ?
visaiyuṟu pandiṉaip pol - uḽḽam
veṇḍiya paḍisĕlum uḍal keṭṭeṉ,
nasaiyaṟu maṉam keṭṭeṉ - nittam
navamĕṉac cuḍardarum uyirgeṭṭeṉ,
tasaiyiṉait tīsuḍiṉum - siva
saktiyaip pāḍumnal agamkeṭṭeṉ,
asaivaṟu madigeṭṭeṉ, ivai
aruḽvadil uṉakkĕdun daḍaiyuḽado ?