(॥పల్లవి॥)
ముట్టితేనే మూయైఁ బట్టితేనే పంతమయీ
ఇట్టె మమ్ముఁ గావవే యిందిరారమణ
(॥ముట్టి॥)
తీరుగాఁ బుణ్యముసేసితే జన్మబంధమై
తోరపు నాపాపములైతే దుఃఖమైని
వూరకుంటే నీప్రపంచ ముల్లంఘించినట్లై
యేరీతి నడచువార మిందిరారమణ
(॥ముట్టి॥)
అంకె దయఁ దలఁచితే నన్నిటికిఁ దగులై
కొంకక కోపంచితేనే క్రూరమ్మైని
మంకున నూరకవుంటే మదోన్మత్తుఁడై
యింకనేమి సేయువార మిందిరారమణ
(॥ముట్టి॥)
యిన్ని చిక్కులునేల యిట్టె శ్రీ వేంకటేశ
మిన్నక నీశరణంటే మేలైని
వెన్నెల నీయర్థమే వేదశాస్త్రసమ్మతై
యెన్న నీవే సేయువాఁడ విందిరారమణ
(||pallavi||)
muṭṭidene mūyaim̐ baṭṭidene paṁtamayī
iṭṭĕ mammum̐ gāvave yiṁdirāramaṇa
(||muṭṭi||)
tīrugām̐ buṇyamuseside janmabaṁdhamai
torabu nābābamulaide duḥkhamaini
vūraguṁṭe nīprabaṁcha mullaṁghiṁchinaṭlai
yerīdi naḍasuvāra miṁdirāramaṇa
(||muṭṭi||)
aṁkĕ dayam̐ dalam̐side nanniḍigim̐ dagulai
kŏṁkaga kobaṁchidene krūrammaini
maṁkuna nūragavuṁṭe madonmattum̐ḍai
yiṁkanemi seyuvāra miṁdirāramaṇa
(||muṭṭi||)
yinni sikkulunela yiṭṭĕ śhrī veṁkaḍeśha
minnaga nīśharaṇaṁṭe melaini
vĕnnĕla nīyardhame vedaśhāstrasammadai
yĕnna nīve seyuvām̐ḍa viṁdirāramaṇa