(॥పల్లవి॥)
ముసి ముసి నవ్వులతో మోములు వంచుకోకురే
పసలుగా వేడుకతో పతిసేవ సేయరే
(॥ముసి॥)
నెయ్యముగల చోటికి నేరమి రాదు
యియ్యకోలై పొసఁగితే నెగ్గులేదు
చెయ్యారఁ జెనకితేను సిగ్గులెడయు
యెయ్యడా వలపుజాడ లెరుఁగుకోరే
(॥ముసి॥)
ననిచినవారు పెనఁగులాడరు
మనసులో గలసితే మరఁగేడది
చనవులు మీరితేను జారుఁ జలము
గొనకొన్న వలపుల గురుతు లివిగోరే
(॥ముసి॥)
బత్తి సేసితేఁ జలము పరిసిపోవు
పొత్తు గలసితే పొరపొచ్చ మేడది
యత్తల శ్రీవేంకటేశుఁ డిటు మిమ్ము నేలినాఁడు
హత్తిన వలపుజాడ లని యెంచుకోరే
(||pallavi||)
musi musi navvulado momulu vaṁchugogure
pasalugā veḍugado padiseva seyare
(||musi||)
nĕyyamugala soḍigi nerami rādu
yiyyagolai pŏsam̐gide nĕgguledu
sĕyyāram̐ jĕnagidenu siggulĕḍayu
yĕyyaḍā valabujāḍa lĕrum̐gugore
(||musi||)
nanisinavāru pĕnam̐gulāḍaru
manasulo galaside maram̐geḍadi
sanavulu mīridenu jārum̐ jalamu
gŏnagŏnna valabula gurudu livigore
(||musi||)
batti sesidem̐ jalamu parisibovu
pŏttu galaside pŏrabŏchcha meḍadi
yattala śhrīveṁkaḍeśhum̐ ḍiḍu mimmu nelinām̐ḍu
hattina valabujāḍa lani yĕṁchugore