मी आज फूल झाले, मी आज फूल झाले
जणू कालच्या कळीला लावण्यरुप आले
सोन्याहुनी सतेज ही भासते सकाळ
किरणांतुनी रवी हा फेकीत इंद्रजाल
मी बावरी खुळी गं या सावलीस भ्याले
आली कशी कळेना ओठांस आज लाली
स्पर्शुन जाय वारा शब्दांस जाग आली
फुलवून पाकळ्या मी ओल्या दवांत न्हाले
मी पाहते मला का डोळे भरून आज
लागेल दृष्ट माझी पदरी लपेल लाज
मी आज यौवनाचा शृंगार साज ल्याले
mī āj phūl jhāle, mī āj phūl jhāle
jaṇū kālachyā kaḻīlā lāvaṇyrup āle
sonyāhunī satej hī bhāste sakāḻ
kirṇāṅtunī ravī hā phekīt iṅdrjāl
mī bāvrī khuḻī gaṅ yā sāvlīs bhyāle
ālī kaśhī kaḻenā oṭhāṅs āj lālī
sparśhun jāy vārā śhabdāṅs jāg ālī
phulvūn pākaḻyā mī olyā davāṅt nhāle
mī pāhte malā kā ḍoḻe bharūn āj
lāgel dṛṣhṭ mājhī padrī lapel lāj
mī āj yauvnāchā śhṛṅgār sāj lyāle