मना तुझे मनोगत मला कधी कळेल का ?
तुझ्यापरी गूढ सोपे होणे मला जुळेल का ?
कोण जाणे केवढा तू व्यापतोस आकाशाला
आकाशाचा अर्थ देशी एका मातीच्या कणाला
तुझे दार माझ्यासाठी थोडे तरी खुलेल का ?
कळीतला ओला श्वास, पाषाणाचा थंड स्पर्श
तुझ्यामधे सामावला वारा ... काळोख ... प्रकाश
तुझे अरूपाचे रूप माझ्यापुढे फुलेल का ?
कशासाठी कासाविशी, कशासाठी आटापिटी ?
खुळा ध्यास आभासांचा पाठलाग कोणासाठी ?
तुझ्या मनातले आर्त माझ्या मनी ढळेल का ?
मना तुझे मनोगत मला कधी कळेल का ?
Work
Year
Language
manā tujhe manogat malā kadhī kaḻel kā ?
tujhyāprī gūḍh sope hoṇe malā juḻel kā ?
koṇ jāṇe kevḍhā tū vyāptos ākāśhālā
ākāśhāchā arth deśhī ekā mātīchyā kaṇālā
tujhe dār mājhyāsāṭhī thoḍe tarī khulel kā ?
kaḻītlā olā śhvās, pāṣhāṇāchā thaṅḍ sparśh
tujhyāmdhe sāmāvlā vārā ... kāḻokh ... prkāśh
tujhe arūpāche rūp mājhyāpuḍhe phulel kā ?
kaśhāsāṭhī kāsāviśhī, kaśhāsāṭhī āṭāpiṭī ?
khuḻā dhyās ābhāsāṅchā pāṭhlāg koṇāsāṭhī ?
tujhyā manātle ārt mājhyā manī ḍhaḻel kā ?