മാലതിപ്പൂവള്ളിക്കുടിലില് ഉറങ്ങുന്ന ശലഭങ്ങളേ പോരൂ
കുങ്കുമപ്പൂമരച്ചില്ലയില് ആടുന്ന കിളിമകളേ പോരൂ
ഇതു വഴി പറന്നു പോരൂ
(മാലതിപ്പൂവള്ളിക്കുടിലില്)
മാനത്തെ മന്ദാരത്തോപ്പുകള് പൂക്കും വൃശ്ചികപ്പുലരികളില് (2)
കദളിപ്പൊന് കൂമ്പിലെ തേന് നുകര്ന്നായിരം (2)
മധുരം ഗീതം പാടാന് പോരൂ
ഇതു വഴി പറന്നു പോരൂ
(മാലതിപ്പൂവള്ളിക്കുടിലില്)
കുഞ്ഞിളം കാറ്റു തലോടി വളര്ത്തും കുടമുല്ലക്കാടുകളില് (2)
വാസന്ത കന്യകള് വിരുന്നിനെത്തും നേരം (2)
താമരയാറ്റില് കുളിച്ചു പോരൂ
ഇതു വഴി പറന്നു പോരൂ
(മാലതിപ്പൂവള്ളിക്കുടിലില്)