കുഞ്ഞികുറുമ്പൂയലാടി വാ
കുറുവാല് കുരുവി തിന കൊയ്യും കാലമായ്
മുത്ത് മുകില് തേരിറങ്ങി വാ
കലമാന് കുരുന്നെ മലര് നുള്ളും മാസമായ്
പാടഞാറിന് കതിരുകൊത്തി പാടാന് വാ
പഴംപാട്ട് കേട്ട് കറുകനാമ്പു തേടാന് വാ
മെല്ലെ മാറുരുമ്മാന് രാവുറങ്ങാന്
ഉള്ളം തുള്ളുന്നു മോഹമായ്
കുഞ്ഞികുറുമ്പൂയലാടി വാ
കുറുവാല് കുരുവി തിന കൊയ്യും കാലമായ്
അമ്പിളി പൊൻവളയും തോടകളും
അരമണി കിങ്ങിണിയും കാല്തളയും
കരിമഷി ചാന്തു പൊട്ടും ചന്ദനവും
പുലരൊളി പൊന്നുരുക്കും മെയ്യഴകില്
മണിമിഴി ഒന്നുമിന്നെ ഇല്ല
കണിമുത്തു മുത്തമിട്ടെ ഇല്ല
കനവിലെ കാണാത്തിങ്കളെ
ചിങ്കാരകാറ്റിന് പൂരമേളമായ്
കുഞ്ഞികുറുമ്പൂയലാടി വാ
കുറുവാല് കുരുവി തിന കൊയ്യും കാലമായ്
ചെമ്പക ചുണ്ടിണയിന് പൊട്ടുതിരും
ചന്ദന പൂമ്പതക്കം തൊട്ടെടുക്കാന്
മാന്തളിര് കഞ്ചുകത്തില് കാറ്റൊഴുക്കും
മാതള ചെമ്പഴത്തേന് കട്ടെടുക്കാന്
തുടുതുട് പുന്നാരമായ് ഉള്ളിന്
നിറപൊലി ചില്ലോളം നീ വാ വാ
കരളിലെ കാണാത്തിങ്കളെ
ചിങ്കാരകാറ്റിന് പൂരമേളമായ്
കുഞ്ഞികുറുമ്പൂയലാടി വാ
കുറുവാല് കുരുവി തിന കൊയ്യും കാലമായ്
മുത്ത് മുകില് തേരിറങ്ങി വാ
കലമാന് കുരുന്നെ മലര് നുള്ളും മാസമായ്
പാടഞാറിന് കതിരുകൊത്തി പാടാന് വാ
പഴംപാട്ട് കേട്ട് കറുകനാമ്പു തേടാന് വാ
മെല്ലെ മാറുരുമ്മാന് രാവുറങ്ങാന്
ഉള്ളം തുള്ളുന്നു മോഹമായ്