Kadaloru sundarippennu

കടലൊരു സുന്ദരിപ്പെണ്ണു
Year
Language

കടലൊരു സുന്ദരിപ്പെണ്ണ്
കല്യാണം കഴിയാത്ത കാമുകരില്ലാത്ത
കടലൊരു സുന്ദരിപ്പെണ്ണ് (കടലൊരു)

കൈമണിച്ചെപ്പില്‍ രത്നങ്ങള്‍
കരളില്‍ നിറയെ സ്വപ്നങ്ങള്‍
പാടിയുറക്കാന്‍ വാനമ്പാടികള്‍
പരിചരിക്കാന്‍ സഖികള്‍ - അവളെ
പരിചരിക്കാന്‍ സഖികള്‍ (കടലൊരു)

അച്ഛന്റെ മുത്തണിക്കൊട്ടാരത്തില്‍
ആയിരംകാല്‍ മണ്ഡപത്തില്‍
യക്ഷിക്കഥയിലെ നായികമാതിരി
നൃത്തം വെക്കണ പെണ്ണ് - നീ
നൃത്തം വെക്കണ പെണ്ണ് (കടലൊരു)

പകലും രാവുമുറക്കമിളച്ചവള്‍
പാടുവതേതൊരു ഗാനം - അവള്‍
പാടുവതേതൊരു ഗാനം
പ്രേമിക്കാനൊരു ദേവനെ തേടുന്ന
കാമുകിമാരുടെ ഗാനം - വിശ്വ-
കാമുകിമാരുടെ ഗാനം (കടലൊരു)

kaḍalŏru sundarippĕṇṇ
kalyāṇaṁ kaḻiyātta kāmugarillātta
kaḍalŏru sundarippĕṇṇ (kaḍalŏru)

kaimaṇiccĕppil ratnaṅṅaḽ
karaḽil niṟayĕ svapnaṅṅaḽ
pāḍiyuṟakkān vānambāḍigaḽ
parisarikkān sakhigaḽ - avaḽĕ
parisarikkān sakhigaḽ (kaḍalŏru)

acchanṟĕ muttaṇikkŏṭṭārattil
āyiraṁkāl maṇḍabattil
yakṣikkathayilĕ nāyigamādiri
nṛttaṁ vĕkkaṇa pĕṇṇ - nī
nṛttaṁ vĕkkaṇa pĕṇṇ (kaḍalŏru)

pagaluṁ rāvumuṟakkamiḽaccavaḽ
pāḍuvadedŏru gānaṁ - avaḽ
pāḍuvadedŏru gānaṁ
premikkānŏru devanĕ teḍunna
kāmugimāruḍĕ gānaṁ - viśva-
kāmugimāruḍĕ gānaṁ (kaḍalŏru)