काळ्या मातीत मातीत, तिफन चालते,
तिफन चालते, तिफन चालते
ईज थयथय नाचते, ढग ढोल वाजवितो,
ढोल वाजवितो, ढग ढोल वाजवितो
सदाशिव हाकारतो, नंदी बैलाच्या जोडीला
संग पारवती चाले, ओटी बांधून पोटाला
सरीवर सरी येती, माती न्हाती धुती होते
कस्तुरीच्या सुवासानं, भूल जीवाला पडते
भूल जीवाला पडते, वाट राघूची पाहते
राघू तिफन हाकतो, मैना वाटुली पाहते
काळ्या मातीत मातीत....
सर्जा रं माझ्या, ढवळ्या रं माझ्या, पवळ्या रं माझ्या
झोळी झाडाला टांगून राबराबते माऊली
तिथं झोळीतल्या जीवा व्हते पारखी साऊली
अभिषेकात घामाच्या आसं देवाचं पूजन
पिकं हालती डोलती, जनू करती भजन
गव्हा जोंधळ्यात तवा सोनं चांदी लकाकते
जशी चांदी लकाकते, कपाशी फुलते
काळ्या मातीत मातीत....
चालं ऊनपावसाचा पाठशिवनीचा खेळ
लोनी पायाला वाटती मऊ भिजली ढेकळं
काळ्या ढेकळात डोळा हिरवं सपान पाहतो
डोळा सपान पाहतो, काटा पायांत रुततो
काटा पायांत रुतता लाल रगात सांडतं
लाल रगात सांडतं, हिरवं सपान फुलतं
काळ्या मातीत मातीत....
kāḻyā mātīt mātīt, tiphan chālte,
tiphan chālte, tiphan chālte
īj thaythay nāchte, ḍhag ḍhol vājvito,
ḍhol vājvito, ḍhag ḍhol vājvito
sadāśhiv hākārto, naṅdī bailāchyā joḍīlā
saṅg pāravtī chāle, oṭī bāṅdhūn poṭālā
sarīvar sarī yetī, mātī nhātī dhutī hote
kasturīchyā suvāsānaṅ, bhūl jīvālā paḍte
bhūl jīvālā paḍte, vāṭ rāghūchī pāhte
rāghū tiphan hākto, mainā vāṭulī pāhte
kāḻyā mātīt mātīt....
sarjā raṅ mājhyā, ḍhavaḻyā raṅ mājhyā, pavaḻyā raṅ mājhyā
jhoḻī jhāḍālā ṭāṅgūn rābrābte māūlī
tithaṅ jhoḻītalyā jīvā vhte pārkhī sāūlī
abhiṣhekāt ghāmāchyā āsaṅ devāchaṅ pūjan
pikaṅ hāltī ḍoltī, janū kartī bhajan
gavhā joṅdhaḻyāt tavā sonaṅ chāṅdī lakākte
jaśhī chāṅdī lakākte, kapāśhī phulte
kāḻyā mātīt mātīt....
chālaṅ ūnpāvsāchā pāṭhśhivnīchā kheḻ
lonī pāyālā vāṭtī maū bhijlī ḍhekaḻṅ
kāḻyā ḍhekḻāt ḍoḻā hiravaṅ sapān pāhto
ḍoḻā sapān pāhto, kāṭā pāyāṅt rutto
kāṭā pāyāṅt ruttā lāl ragāt sāṅḍataṅ
lāl ragāt sāṅḍataṅ, hiravaṅ sapān phultaṅ
kāḻyā mātīt mātīt....