జవ్వనాలు మీ సొమ్ము సరసాలు మీ సొమ్ము
(॥పల్లవి॥)
జవ్వనాలు మీ సొమ్ము సరసాలు మీ సొమ్ము
వువ్విళ్లూరే వలపులు వొడిఁగట్టుకోరయా
(॥జవ్వ॥)
చిలుకుఁ జూపు లాపెవి, చిమ్ముఁ జెనకులు నీవి
పలుకుఁ దేనె లాపెవి, బాసలు నీవి
యెలమి సరికి బేసి కిద్దరూ బలవంతులే
కొలఁదిలేనివలపు కూడపోసుకోరయా
(॥జవ్వ॥)
ప్రియము లాపెవి, సేసే పెను వినయాలు నీవి
నయము లాపెవి, కడునంటులు నీవి
నియతపు నేరుపులు నీకు నాకె కొక్కరీతే
జయమాయ వలపులు సందిఁబెట్టుకోరయా
(॥జవ్వ॥)
అడియాస లాపెని, ఆదరింపులు నీవి
యెడయని పొం దాపెది, యింపులు నీవి
అడరి శ్రీవేంకటేశ అట్టె నన్నుఁ గూడితివి
కడలేని వలపులు గంపకెత్తుకోరయా
(||pallavi||)
javvanālu mī sŏmmu sarasālu mī sŏmmu
vuvviḽlūre valabulu vŏḍim̐gaṭṭugorayā
(||javva||)
silugum̐ jūbu lābĕvi, simmum̐ jĕnagulu nīvi
palugum̐ denĕ lābĕvi, bāsalu nīvi
yĕlami sarigi besi kiddarū balavaṁtule
kŏlam̐dilenivalabu kūḍabosugorayā
(||javva||)
priyamu lābĕvi, sese pĕnu vinayālu nīvi
nayamu lābĕvi, kaḍunaṁṭulu nīvi
niyadabu nerubulu nīgu nāgĕ kŏkkarīde
jayamāya valabulu saṁdim̐bĕṭṭugorayā
(||javva||)
aḍiyāsa lābĕni, ādariṁpulu nīvi
yĕḍayani pŏṁ dābĕdi, yiṁpulu nīvi
aḍari śhrīveṁkaḍeśha aṭṭĕ nannum̐ gūḍidivi
kaḍaleni valabulu gaṁpagĕttugorayā