(॥పల్లవి॥)
ఇట్టి సంసారికేదియు లేదాయ
తట్టువడుటే కాని దరి చేరలేదు
(॥ఇట్టె॥)
ములిగి భారపుమోపు మోఁచేటివాఁడు
అలసి దించుకొను నాడాడను
అలరు సంసారికి నదియు లేదాయ
తొలఁగని భారమెందును దించలేదు
(॥ఇట్టె॥)
తడవి వేఁపచేఁదు త్రావెడివాఁడు
ఎడయెడఁ దినుఁ దీపేమైనను
అడరు సంసారికి నదియు లేదాయ
కడుఁ జేఁదెకాని యెక్కడఁ దీపులేదు
(॥ఇట్టె॥)
దొరకొని హేయమే తోఁడేటివాఁడు
పరిఠవించును మేనఁ బరిమళము
అరిది సంసారికి నదియు లేదాయ
ఇరవు వేంకటపతి నెఱుఁగలేఁడు
(||pallavi||)
iṭṭi saṁsārigediyu ledāya
taṭṭuvaḍuḍe kāni dari seraledu
(||iṭṭĕ||)
muligi bhārabumobu mom̐seḍivām̐ḍu
alasi diṁchugŏnu nāḍāḍanu
alaru saṁsārigi nadiyu ledāya
tŏlam̐gani bhāramĕṁdunu diṁchaledu
(||iṭṭĕ||)
taḍavi vem̐pasem̐du trāvĕḍivām̐ḍu
ĕḍayĕḍam̐ dinum̐ dībemainanu
aḍaru saṁsārigi nadiyu ledāya
kaḍum̐ jem̐dĕgāni yĕkkaḍam̐ dībuledu
(||iṭṭĕ||)
dŏragŏni heyame tom̐ḍeḍivām̐ḍu
pariṭhaviṁchunu menam̐ barimaḽamu
aridi saṁsārigi nadiyu ledāya
iravu veṁkaḍabadi nĕṟum̐galem̐ḍu