ఇన్నిటా మంచిదానవు యీతని నొరయనేలే
(॥పల్లవి॥)
ఇన్నిటా మంచిదానవు యీతని నొరయనేలే
మిన్నక సేవలు సేసి మెప్పించవలెఁ గాకా
(॥ఇన్ని॥)
చక్కెర వంటిది మోవి జవ్వాదివంటిది తావి
జక్కవలఁ బోలును చన్నులు నీవి
వెక్కసా లే లాడేవే విభుఁడు చెనకెనంటా
చొక్కుచు వినయములే చూపవలెఁగాక
(॥ఇన్ని॥)
చిగురువంటిది మేను సింగమువంటిది కౌను
మొగము చంద్రకళల మూఁకలనాను
బిగియుచు దూరనేలే పెనుఁగొప్పు ముట్టెనంటా
జిగిమించఁ బ్రియాలెల్లాఁ జెప్పవలెఁగాకా
(॥ఇన్ని॥)
పుత్తడివంటిది రూపు పూవులవంటిది చూపు
గుత్తపుఁ బిరుఁదు కరికుంభాల దాపు
వొత్తనేలే శ్రీవేంకటోత్తముఁడు గూడె నంటా
పొత్తుల నీతని మేలు పొగడవలెఁగాకా
(||pallavi||)
inniḍā maṁchidānavu yīdani nŏrayanele
minnaga sevalu sesi mĕppiṁchavalĕm̐ gāgā
(||inni||)
sakkĕra vaṁṭidi movi javvādivaṁṭidi tāvi
jakkavalam̐ bolunu sannulu nīvi
vĕkkasā le lāḍeve vibhum̐ḍu sĕnagĕnaṁṭā
sŏkkusu vinayamule sūbavalĕm̐gāga
(||inni||)
siguruvaṁṭidi menu siṁgamuvaṁṭidi kaunu
mŏgamu saṁdragaḽala mūm̐kalanānu
bigiyusu dūranele pĕnum̐gŏppu muṭṭĕnaṁṭā
jigimiṁcham̐ briyālĕllām̐ jĕppavalĕm̐gāgā
(||inni||)
puttaḍivaṁṭidi rūbu pūvulavaṁṭidi sūbu
guttabum̐ birum̐du kariguṁbhāla dābu
vŏttanele śhrīveṁkaḍottamum̐ḍu gūḍĕ naṁṭā
pŏttula nīdani melu pŏgaḍavalĕm̐gāgā