ఇంకనేఁటి విచారాలు యెందాఁకారా
(॥పల్లవి॥)
ఇంకనేఁటి విచారాలు యెందాఁకారా
లంకెపాటు తమకాలు లావుసేసెఁ గదరా
(॥ఇంక॥)
పట్టరాదు నీవయసు పాయరాదు నీపొందు
యెట్టననరాదు నిన్ను నేమి సేతురా
గుట్టువేఁచె మదనుఁడు గుమిగట్టెఁ గోరికలు
ఱట్టయితి నీచేఁతలాఱడికెక్కెఁ గదరా
(॥ఇంక॥)
చెప్పరాదు నీమనసు చించరాదు నీవలపు
యెప్పుడ నేనొక్కజోడె యేమిసేతురా
చొప్పులెత్తె పువ్వుటమ్ము సోలినిండెఁ బులకలు
దప్పిగొంటి నీసుద్దుల తతి వచ్చెఁగదరా
(॥ఇంక॥)
తుంచరాదు నీమదము దొబ్బరావు దినములు
యించుకంతె నాసిగ్గు యేమిసేతురా
కొంచక శ్రీవేంకటేశ కూడితివి నన్నునిట్టె
పంచల నీమన్ననలు పాటమాయఁ గదరా
(||pallavi||)
iṁkanem̐ṭi visārālu yĕṁdām̐kārā
laṁkĕbāḍu tamagālu lāvusesĕm̐ gadarā
(||iṁka||)
paṭṭarādu nīvayasu pāyarādu nībŏṁdu
yĕṭṭananarādu ninnu nemi sedurā
guṭṭuvem̐sĕ madanum̐ḍu gumigaṭṭĕm̐ gorigalu
ṟaṭṭayidi nīsem̐talāṟaḍigĕkkĕm̐ gadarā
(||iṁka||)
sĕpparādu nīmanasu siṁcharādu nīvalabu
yĕppuḍa nenŏkkajoḍĕ yemisedurā
sŏppulĕttĕ puvvuḍammu soliniṁḍĕm̐ bulagalu
dappigŏṁṭi nīsuddula tadi vachchĕm̐gadarā
(||iṁka||)
tuṁcharādu nīmadamu dŏbbarāvu dinamulu
yiṁchugaṁtĕ nāsiggu yemisedurā
kŏṁchaga śhrīveṁkaḍeśha kūḍidivi nannuniṭṭĕ
paṁchala nīmannanalu pāḍamāyam̐ gadarā