ഇലഞ്ഞിപ്പൂമണമൊഴുകിവരുന്നു
ഇന്ദ്രിയങ്ങളിലതു പടരുന്നു
പകല്ക്കിനാവിന് പനിനീര്മഴയില്
പണ്ടു നിന് മുഖം പകര്ന്ന ഗന്ധം
ഇലഞ്ഞിപ്പൂമണമൊഴുകിവരുന്നു....
രജതരേഖകള് നിഴലുകള് പാകി
രജനീഗന്ധികള് പുഞ്ചിരി തൂകി
ഈ നിലാവിന് നീല ഞൊറികളില്
ഓമനേ നിന് പാവാടയിളകി
കൊഴിഞ്ഞദിനത്തിന് ഇതളുകള് പോലെ
അകന്നുവോ നിന് പൂമ്പട്ടു തിരകള്
ഇലഞ്ഞിപ്പൂമണമൊഴുകിവരുന്നു........
തരളരശ്മികള് തന്ത്രികളായി
തഴുകീ കാറ്റല കവിതകളായി
ഈ നിശീഥം പാടും വരികളില്
ഓമനേ നിന് ശാലീന നാദം
അടര്ന്ന കിനാവിന് തളിരുകള് പോലെ
അകന്നുവോ നിന് പൊന് ചിലമ്പൊലികള്
ഇലഞ്ഞിപ്പൂമണമൊഴുകിവരുന്നു.........