ഹൃദയം മായാമധുപാത്രം
മധുരോന്മാദമരന്ദം പകരും
അഭിലാഷത്തിൻ അക്ഷയപാത്രം
(ഹൃദയം മായാ..)
ഉതിരും ചന്ദ്രികതന്നലപോലെ
വിരിയും ഭാവനതൻ മഞ്ജരികൾ
അണിയായ് വിടരുകയായ് നവമാലികാ
മണിമുത്തുകളായ് യൗവനവനിയിൽ
അലിയട്ടേ ഞാനലിയട്ടേ ഈ
ആശാസൗരഭവാഹിനിയിൽ
(ഹൃദയം മായാ...)
തിരമാലകളായ് സ്വരകാകളിയായ്
പുണരും ജീവിതസങ്കല്പങ്ങൾ
ഒരുമിച്ചലിയുകയായൊരു സാഗര
ലയമായ് ഞാനാം മുത്തുച്ചിപ്പിയിൽ
ഉണരട്ടെ ഞാനുണരട്ടെ ഈ
മായാമോഹനവീഥികളിൽ
(ഹൃദയം മായാ...)
hṛdayaṁ māyāmadhubātraṁ
madhuronmādamarandaṁ pagaruṁ
abhilāṣattin akṣayabātraṁ
(hṛdayaṁ māyā..)
udiruṁ sandrigadannalabolĕ
viriyuṁ bhāvanadan mañjarigaḽ
aṇiyāy viḍarugayāy navamāligā
maṇimuttugaḽāy yauvanavaniyil
aliyaṭṭe ñānaliyaṭṭe ī
āśāsaurabhavāhiniyil
(hṛdayaṁ māyā...)
tiramālagaḽāy svaragāgaḽiyāy
puṇaruṁ jīvidasaṅgalbaṅṅaḽ
ŏrumiccaliyugayāyŏru sāgara
layamāy ñānāṁ muttuccippiyil
uṇaraṭṭĕ ñānuṇaraṭṭĕ ī
māyāmohanavīthigaḽil
(hṛdayaṁ māyā...)