హరి నిను నెరఁగని యలమటలింతే శాయ
(॥పల్లవి॥)
హరి నిను నెరఁగని యలమటలింతే శాయ
శరణంటి నిదె నీకే సర్వేశ కావవే
(॥హరి॥)
చొచ్చితి స్వర్గము దొల్లి సుకృతములెల్లాఁ జేసి
ఇచ్చఁ గొలిచితి సుర లిందరిని
గచ్చులఁ బుణ్యము దీరఁ గమ్మటి జన్మములకే
వచ్చితి పురుషార్థము వడి నెందూ గానను
(॥హరి॥)
వెదకితి భూములెల్ల విశ్వకర్తెవ్వడో యంటా
చదివితిఁ బుస్తకాలు సారెసారెకు
తుద ననుమానమున దొమ్మి నీకలు దెల్లఁగా
ముదిసితి నింతేకాని ముందరేమీఁ గానను
(॥హరి॥)
చింతలెల్ల నుడిగితి శ్రీవేంకటేశ్వర నిన్ను
వింత లేక శరణని వెలసితిని
చెంతల నిన్నాళ్లదాఁకా చిక్కి కర్మముల వట్టి
గంతులు వేసితిఁగాని కడ గాననైతిని
(||pallavi||)
hari ninu nĕram̐gani yalamaḍaliṁte śhāya
śharaṇaṁṭi nidĕ nīge sarveśha kāvave
(||hari||)
sŏchchidi svargamu dŏlli sukṛtamulĕllām̐ jesi
ichcham̐ gŏlisidi sura liṁdarini
gachchulam̐ buṇyamu dīram̐ gammaḍi janmamulage
vachchidi puruṣhārdhamu vaḍi nĕṁdū gānanu
(||hari||)
vĕdagidi bhūmulĕlla viśhvagardĕvvaḍo yaṁṭā
sadividim̐ bustagālu sārĕsārĕgu
tuda nanumānamuna dŏmmi nīgalu dĕllam̐gā
mudisidi niṁtegāni muṁdaremīm̐ gānanu
(||hari||)
siṁtalĕlla nuḍigidi śhrīveṁkaḍeśhvara ninnu
viṁta lega śharaṇani vĕlasidini
sĕṁtala ninnāḽladām̐kā sikki karmamula vaṭṭi
gaṁtulu vesidim̐gāni kaḍa gānanaidini