Enre svapnaveenayil

എന്റെ സ്വപ്നവീണയില്‍
Year
Language

എന്റെ സ്വപ്നവീണയിലെന്നുമൊരേ ഗാനം
എന്റെ സ്വര്‍ഗ്ഗസീമയിലെന്നുമൊരേ താളം
ഹൃദയദേവതേ എനിക്കു നീ മാത്രം
(എന്റെ സ്വപ്ന...)

കഥപറയും കണ്ണുകളിലൊരിന്ദ്രജാലം - നിന്റെ
കവിതയൂറും ചുണ്ടിണയില്‍ പുഷ്യരാഗം
കദളിപ്പൂങ്കവിളിതളില്‍ കാമന്റെ കളിയരങ്ങില്‍
കളിയാടും നാണത്തിന്‍ കതിരൊളികള്‍
സിന്ദൂരക്കതിര്‍മണികള്‍...
(എന്റെ സ്വപ്ന...)

അകതാരില്‍ ആനന്ദപ്രണയനൈവേദ്യം - നിന്റെ
അനുഭൂതികള്‍ താളമിടും പഞ്ചവാദ്യം
മനസ്സിന്റെ താഴ്വരയില്‍ അനുരാഗമധുവനിയില്‍
മലരിട്ടുനില്‍ക്കുന്ന മല്ലികേ... എന്റെ മോഹമല്ലികേ...
(എന്റെ സ്വപ്ന...)

ĕnṟĕ svapnavīṇayilĕnnumŏre gānaṁ
ĕnṟĕ svarggasīmayilĕnnumŏre tāḽaṁ
hṛdayadevade ĕnikku nī mātraṁ
(ĕnṟĕ svapna...)

kathabaṟayuṁ kaṇṇugaḽilŏrindrajālaṁ - ninṟĕ
kavidayūṟuṁ suṇḍiṇayil puṣyarāgaṁ
kadaḽippūṅgaviḽidaḽil kāmanṟĕ kaḽiyaraṅṅil
kaḽiyāḍuṁ nāṇattin kadirŏḽigaḽ
sindūrakkadirmaṇigaḽ...
(ĕnṟĕ svapna...)

agadāril ānandapraṇayanaivedyaṁ - ninṟĕ
anubhūdigaḽ tāḽamiḍuṁ pañjavādyaṁ
manassinṟĕ tāḻvarayil anurāgamadhuvaniyil
malariṭṭunilkkunna mallige... ĕnṟĕ mohamallige...
(ĕnṟĕ svapna...)