(॥పల్లవి॥)
ఎంతని పొగడేమమ్మా యిటువంటి సొబగులు
యింతులలో నెంచిచూడ నీపెకే తగును
(॥ఎంత॥)
చన్ను లెంత గనమే జవరాలికి । యీ -
కన్నులతీరు చూడరే కాంతలాల
పున్నమచంద్రుఁడుగదె పొలఁతి మోము
యిన్నేసి సింగారాలు యీపెకే తగునే
(॥ఎంత॥)
తురు మెంత వొప్పిదమే తొయ్యలికిని । తన -
కరముల చెలువము గంటిరటరే
మరునివిండ్లేకదే మంచి బొమలు
ఇరవైన చక్కఁదనా లాపెకే తగునే
(॥ఎంత॥)
నడు మెంత వొరపే నలినాక్షికి । చిన్ని -
యడుగుల చిగురుల యందమేకదే
అడరి శ్రీవేంకటేశు నలమేల్మంగ । యీ -
యెడయని ముచిపెము లీపెకే తగునే
(||pallavi||)
ĕṁtani pŏgaḍemammā yiḍuvaṁṭi sŏbagulu
yiṁtulalo nĕṁchisūḍa nībĕge tagunu
(||ĕṁta||)
sannu lĕṁta ganame javarāligi | yī -
kannuladīru sūḍare kāṁtalāla
punnamasaṁdrum̐ḍugadĕ pŏlam̐ti momu
yinnesi siṁgārālu yībĕge tagune
(||ĕṁta||)
turu mĕṁta vŏppidame tŏyyaligini | tana -
karamula sĕluvamu gaṁṭiraḍare
maruniviṁḍlegade maṁchi bŏmalu
iravaina sakkam̐danā lābĕge tagune
(||ĕṁta||)
naḍu mĕṁta vŏrabe nalinākṣhigi | sinni -
yaḍugula sigurula yaṁdamegade
aḍari śhrīveṁkaḍeśhu nalamelmaṁga | yī -
yĕḍayani musibĕmu lībĕge tagune