ఎందుఁ జూచినా నీవే ఇదివో నీ ప్రతాపము
(॥పల్లవి॥)
ఎందుఁ జూచినా నీవే ఇదివో నీ ప్రతాపము
నందకధరుఁడ నీకు నమో నారసింహా
(॥ఎందుఁ॥)
అచ్చలపు బ్రహ్మాండమది నీకుఁ బెద్దగుహ
చెచ్చెర నహోబలాద్రి సింహాసనము
అచ్చటఁ గనకదైత్యుఁ డాహారపుమెగము
విచ్చనవిడిఁ జెలఁగు విజయనారసింహా
(॥ఎందుఁ॥)
జలధు లేడును నీకు జలకపు మడుగులు
అలరి భూమెల్లా విహారదేశము
కెలన రేలుఁబగళ్లు కిందిమీఁది రెప్పలు
వెలయఁగ విహరించు విజయనారసింహా
(॥ఎందుఁ॥)
చక్కటి శ్రీమహాదేవి జంటైన ఆడుసింహము
నిక్కపు దేవతలెల్లా నీ పిల్లలు
యెక్కవై శ్రీవేంకటాద్రి నిన్నిటా భోగించేవు
వెక్కసమై మమ్మేలుకో విజయనారసింహా
(||pallavi||)
ĕṁdum̐ jūsinā nīve idivo nī pradābamu
naṁdagadharum̐ḍa nīgu namo nārasiṁhā
(||ĕṁdum̐||)
achchalabu brahmāṁḍamadi nīgum̐ bĕddaguha
sĕchchĕra nahobalādri siṁhāsanamu
achchaḍam̐ ganagadaityum̐ ḍāhārabumĕgamu
vichchanaviḍim̐ jĕlam̐gu vijayanārasiṁhā
(||ĕṁdum̐||)
jaladhu leḍunu nīgu jalagabu maḍugulu
alari bhūmĕllā vihāradeśhamu
kĕlana relum̐bagaḽlu kiṁdimīm̐di rĕppalu
vĕlayam̐ga vihariṁchu vijayanārasiṁhā
(||ĕṁdum̐||)
sakkaḍi śhrīmahādevi jaṁṭaina āḍusiṁhamu
nikkabu devadalĕllā nī pillalu
yĕkkavai śhrīveṁkaḍādri ninniḍā bhogiṁchevu
vĕkkasamai mammelugo vijayanārasiṁhā