ఏల వూరకున్నాఁడవో యెఱఁగము నేము నిన్ను
(॥పల్లవి॥)
ఏల వూరకున్నాఁడవో యెఱఁగము నేము నిన్ను
చాలా నమ్మి శరణంటే సమకూడరాదా
(॥ఏల॥)
ఱాలు గరఁగించు నీఱట్టడిపాదము
కాలుచాఁచి సతులఁ గరఁగించు టరుదా
కీలించి మిన్ను నేల దొంగిలిన నీ చేయి
తాలిమి సతులమతి దక్కఁగొనలేదా
(॥ఏల॥)
మాఁకులలోనైనా నుండి మాటలాడే నీనోరు
కాఁకలమాటల జెలి గారవించు టరుదా
మూఁక వనితలసిగ్గు ముంగిట వేసే కన్నులు
ఆఁక నీసతి మోహ ముందుకొనలేదా
(॥ఏల॥)
ముంచి కాంత నురమున మోచుకుండే నీ మేను
ఇంచుకు పరిసురత మిందు కోర్చుటరుదా
యెంచఁగ శ్రీవేంకటేశ యింతి నిట్టె కూడితివి
మంచముపై నుండి మీరు మమ్ము నంపవలదా
(||pallavi||)
ela vūragunnām̐ḍavo yĕṟam̐gamu nemu ninnu
sālā nammi śharaṇaṁṭe samagūḍarādā
(||ela||)
ṟālu garam̐giṁchu nīṟaṭṭaḍibādamu
kālusām̐si sadulam̐ garam̐giṁchu ṭarudā
kīliṁchi minnu nela dŏṁgilina nī seyi
tālimi sadulamadi dakkam̐gŏnaledā
(||ela||)
mām̐kulalonainā nuṁḍi māḍalāḍe nīnoru
kām̐kalamāḍala jĕli gāraviṁchu ṭarudā
mūm̐ka vanidalasiggu muṁgiḍa vese kannulu
ām̐ka nīsadi moha muṁdugŏnaledā
(||ela||)
muṁchi kāṁta nuramuna mosuguṁḍe nī menu
iṁchugu parisurada miṁdu korsuḍarudā
yĕṁcham̐ga śhrīveṁkaḍeśha yiṁti niṭṭĕ kūḍidivi
maṁchamubai nuṁḍi mīru mammu naṁpavaladā