एकटी एकटी घाबरलीस ना वाटलंच होत आई
म्हणूनच तर सोडून तुला लांब गेलो नाही
आली होती जाम झोप गुडूप झालो असतो
भीती बीती कसली थेट उद्याच उठलो असतो
मात्र वाटलं आपल्यापुरता विचार बरा नाही
मी आहे शूर माझी आई तशी नाही
खिडकी वाजली नुसती तरी धडपडून उठेल
घाबरून जाईल अंधारात रडतबिडत बसेल
म्हणून आलो आता काही घाबरायाचं नाही
कुशीत घेऊन झोप मला म्हणजे काळजी काही
बर झालं आलास सोन्या काही खोटं नाही
कुशीत नसतं पिल्लू तेव्हा घाबरतेच रे आई
विचारांनी साऱ्या कसं गलबलायला होतं
अंधार असतो फार मोठा, पिल्लू असतं छोटं
नाजूक नाजूक त्याचा जीव, नाजूक नाजूक मन
कोवळी काच सोसेल कसे भविष्याचे घण
लहान आहेस तोवर निदान कुशीत घेता येईल
मोठा होशील उडून जाशील तेव्हा काय होईल
कोण असशील कुठे असशील करशील काय तेव्हा
लहान होऊन कुशीमध्ये शिरशील काय तेव्हा
माझा आहेस अजून ये रे माझ्यापाशी राहा
अंगाईच्या कुशीमध्ये छान स्वप्न पहा
मोठी होतात मुलं, आई मोठी होत नाही
कुशीत नसतं पिल्लू तेव्हा घाबरतेच रे आई
ekṭī ekṭī ghābarlīs nā vāṭalaṅch hot āī
mhṇūnach tar soḍūn tulā lāṅb gelo nāhī
ālī hotī jām jhop guḍūp jhālo asto
bhītī bītī kaslī theṭ udyāch uṭhlo asto
mātr vāṭalaṅ āpalyāpurtā vichār barā nāhī
mī āhe śhūr mājhī āī taśhī nāhī
khiḍkī vājlī nustī tarī dhaḍapḍūn uṭhel
ghābrūn jāīl aṅdhārāt raḍatbiḍat basel
mhṇūn ālo ātā kāhī ghābrāyāchaṅ nāhī
kuśhīt gheūn jhop malā mhaṇje kāḻjī kāhī
bar jhālaṅ ālās sonyā kāhī khoṭaṅ nāhī
kuśhīt nastaṅ pillū tevhā ghābartech re āī
vichārāṅnī sāऱyā kasaṅ galablāylā hotaṅ
aṅdhār asto phār moṭhā, pillū astaṅ chhoṭaṅ
nājūk nājūk tyāchā jīv, nājūk nājūk man
kovḻī kāch sosel kase bhaviṣhyāche ghaṇ
lahān āhes tovar nidān kuśhīt ghetā yeīl
moṭhā hośhīl uḍūn jāśhīl tevhā kāy hoīl
koṇ asśhīl kuṭhe asśhīl karśhīl kāy tevhā
lahān hoūn kuśhīmadhye śhirśhīl kāy tevhā
mājhā āhes ajūn ye re mājhyāpāśhī rāhā
aṅgāīchyā kuśhīmadhye chhān svapn pahā
moṭhī hotāt mulaṅ, āī moṭhī hot nāhī
kuśhīt nastaṅ pillū tevhā ghābartech re āī