ദേവന് തന്നതു തിരുമധുരം - ഈ
ദേവന് തന്നതു പ്രണയസുഖം
കാമിനീ നിന് ഹൃദയതലം
കാമനേകിയ പൂജാഫലം (ദേവന്)
മാനസശാലയില് മധുവിധുലീലയില്
ഗാനവും താളവും അലിഞ്ഞുചേര്ന്നു
മാനസശാലയില് മധുവിധുലീലയില്
ഗാനവും താളവും അലിഞ്ഞുചേര്ന്നു
പ്രാണസഖീയെന് ഭാവനാമുരളിയില്
പാടാത്ത പാട്ടുകള് വിരുന്നു വന്നു -
വിരുന്നു വന്നു (ദേവന്)
ഓരോ മലരിലും ഓരോ തളിരിലും
ആയിരം വസന്തങ്ങള് ഒളിച്ചു നിന്നു
ഓരോ മലരിലും ഓരോ തളിരിലും
ആയിരം വസന്തങ്ങള് ഒളിച്ചു നിന്നു
വിണ്ണില് നിന്നും പൂത്താലവുമായ്
പൊന് കിനാക്കള് ഇറങ്ങിവന്നു. (ദേവന്)