దేవతలు సేవించఁగా దివ్యదుందుభులు మ్రోయ
(॥పల్లవి॥)
దేవతలు సేవించఁగా దివ్యదుందుభులు మ్రోయ
శ్రీవల్లభుని భావము చెలులెల్లఁ జూడరే
(॥దేవ॥)
నిండుసింగారముతోడ నిలవుగోణముగట్టి
అండఁ బన్నీటిమజ్జన మవధరించి
దండిగాశిరసున తడిసూడులు చుట్టుక
వుండెడిదేవునిభావ మువిదలుచూడరే
(॥దేవ॥)
కప్పురకాపు మేన కలయఁగ మెత్తిమెత్తి
చిప్పిలఁ దట్టుపుణుఁగు చికిలిసేసి
చొప్పుగానవరత్నాలసొమ్ములు మేనఁజాతి
ఇప్పుడున్న హరిభావ మింతులెల్లఁ జూడరే
(॥దేవ॥)
అలమేలుమంగ నురమందు నెలవుకొలపి
తలకొన నంతటాఁ బూదండలు వేసి
చెలరేఁగియారగించిశ్రీవేంకటేశ్వరుఁడు
కొలువైవున్న భావము కొమ్మలెల్లఁ జూడరే
(||pallavi||)
devadalu seviṁcham̐gā divyaduṁdubhulu mroya
śhrīvallabhuni bhāvamu sĕlulĕllam̐ jūḍare
(||deva||)
niṁḍusiṁgāramudoḍa nilavugoṇamugaṭṭi
aṁḍam̐ bannīḍimajjana mavadhariṁchi
daṁḍigāśhirasuna taḍisūḍulu suṭṭuga
vuṁḍĕḍidevunibhāva muvidalusūḍare
(||deva||)
kappuragābu mena kalayam̐ga mĕttimĕtti
sippilam̐ daṭṭubuṇum̐gu sigilisesi
sŏppugānavaratnālasŏmmulu menam̐jādi
ippuḍunna haribhāva miṁtulĕllam̐ jūḍare
(||deva||)
alamelumaṁga nuramaṁdu nĕlavugŏlabi
talagŏna naṁtaḍām̐ būdaṁḍalu vesi
sĕlarem̐giyāragiṁchiśhrīveṁkaḍeśhvarum̐ḍu
kŏluvaivunna bhāvamu kŏmmalĕllam̐ jūḍare