देहाची तिजोरी, भक्तीचाच ठेवा
देहाची तिजोरी, भक्तीचाच ठेवा
उघड दार देवा आता उघड दार देवा
पिते दूध डोळे मिटूनी जात मांजराची
मनी चोरट्याच्या का रे भिती चांदण्यांची
सरावल्या हातांनाही कंप का सुटावा
उजेडात होते पुण्य, अंधारात पाप
ज्याचे त्याचे हाती आहे कर्तव्याचे माप
दुष्ट दुर्जनांची कैसी घडे लोक सेवा
स्वार्थ जणू भिंतीवरचा आरसा बिलोरी
आपुलीच प्रतिमा होते आपुलीच वैरी
घडोघडी अपराध्यांचा तोल सावरावा
तुझ्या हाती पांडुरंगा तिजोरी फुटावी
मुक्तपणे भक्ती माझी तुझी तू लुटावी
मार्ग तुझ्या राऊळाचा मला आकळावा
भलेपणासाठी कोणी बुरेपणा केला
बंधनात असुनी वेडा जगी मुक्त झाला
आपुल्याच सौख्यालागी करील तो हेवा
dehāchī tijorī, bhaktīchāch ṭhevā
ughaḍ dār devā ātā ughaḍ dār devā
pite dūdh ḍoḻe miṭūnī jāt māṅjrāchī
manī choraṭyāchyā kā re bhitī chāṅdaṇyāṅchī
sarāvalyā hātāṅnāhī kaṅp kā suṭāvā
ujeḍāt hote puṇy, aṅdhārāt pāp
jyāche tyāche hātī āhe kartavyāche māp
duṣhṭ durjnāṅchī kaisī ghaḍe lok sevā
svārth jaṇū bhiṅtīvarchā ārsā bilorī
āpulīch prtimā hote āpulīch vairī
ghaḍoghḍī aprādhyāṅchā tol sāvrāvā
tujhyā hātī pāṅḍuraṅgā tijorī phuṭāvī
muktapṇe bhaktī mājhī tujhī tū luṭāvī
mārg tujhyā rāūḻāchā malā ākḻāvā
bhalepṇāsāṭhī koṇī burepṇā kelā
baṅdhnāt asunī veḍā jagī mukt jhālā
āpulyāch saukhyālāgī karīl to hevā