शोधून शिणला जीव आता रे
साद तुला ही पोचंल का
दारोदारी हुडकंल भारी
थांग तुझा कधी लागंल का
शाममुरारी, कुंजविहारी
तो शिरीहारी भेटंल का
वाट मला त्या गाभाऱ्याची
आज कुणी तरी दावंल का
बघ उघडूनी दार, अंतरंगातला देव गावंल का ?
तान्ह्या बाळाच्या हासऱ्या डोळ्यांत तो
नाचे रंगून संतांच्या मेळ्यांत जो
तुझ्यामाझ्यात भेटंल साऱ्यात तो
शोध नाही कुठे या पसाऱ्यात तो
रोज वृंदावनी फोडी जो घागरी
तोच नाथा घरी वाहातो कावडी
गुंतला ना कधी मंदिरी राउळी
बाप झाला कधी जाहला माऊली
भाव भोळा जिथे धावला तो तिथे
भाव नाही तिथे सांग धावंल का
बघ उघडूनी दार, अंतरंगातला देव गावंल का ?
राहतो माउलीच्या जीव्हारात जो
डोलतो मातलेल्या शिवारात तो
जो खुल्या कोकिळेच्या गळी बोलतो
दाटुनी तोच आभाळी ओथंबतो
नाचवे वीज जो, त्या नभाच्या उरी
होई काठी कधी आंधळ्याच्या करी
घेवूनी लाट येतो किनाऱ्या वरी
तोल साऱ्या जगाचा हि तो सावरी
राहतो तो मनी , या जनी जीवनी
एका पाषाणी तो सांग मावंल का
बघ उघडूनी दार, अंतरंगातला देव गावंल का ?
śhodhūn śhiṇlā jīv ātā re
sād tulā hī pochaṅl kā
dārodārī huḍkaṅl bhārī
thāṅg tujhā kadhī lāgaṅl kā
śhāmmurārī, kuṅjvihārī
to śhirīhārī bheṭaṅl kā
vāṭ malā tyā gābhāऱyāchī
āj kuṇī tarī dāvaṅl kā
bagh ughḍūnī dār, aṅtaraṅgātlā dev gāvaṅl kā ?
tānhyā bāḻāchyā hāsaऱyā ḍoḻyāṅt to
nāche raṅgūn saṅtāṅchyā meḻyāṅt jo
tujhyāmājhyāt bheṭaṅl sāऱyāt to
śhodh nāhī kuṭhe yā pasāऱyāt to
roj vṛṅdāvnī phoḍī jo ghāgrī
toch nāthā gharī vāhāto kāvḍī
guṅtlā nā kadhī maṅdirī rāuḻī
bāp jhālā kadhī jāhlā māūlī
bhāv bhoḻā jithe dhāvlā to tithe
bhāv nāhī tithe sāṅg dhāvaṅl kā
bagh ughḍūnī dār, aṅtaraṅgātlā dev gāvaṅl kā ?
rāhto māulīchyā jīvhārāt jo
ḍolto mātlelyā śhivārāt to
jo khulyā kokiḻechyā gaḻī bolto
dāṭunī toch ābhāḻī othaṅbto
nāchve vīj jo, tyā nabhāchyā urī
hoī kāṭhī kadhī āṅdhaḻyāchyā karī
ghevūnī lāṭ yeto kināऱyā varī
tol sāऱyā jagāchā hi to sāvrī
rāhto to manī , yā janī jīvnī
ekā pāṣhāṇī to sāṅg māvaṅl kā
bagh ughḍūnī dār, aṅtaraṅgātlā dev gāvaṅl kā ?