(॥పల్లవి॥)
అవధారు వినవయ్యా అంగన తగవులు
జవళిఁ గూడి సతికిఁ జనవియ్యవయ్యా
(॥అవ॥)
కాంతలకు సాజము గబ్బితనపుఁజేఁతలు
పంతాన మగఁడు యెగు పట్టఁదగదు
వింత బొమ్మజంకెనలు వేడుకకు మూలము
సంతోసాన జెలరేఁగి సమ్మతించవలెను
(॥అవ॥)
రట్టడ సతులకును రారాఁపులు సాజము
గుట్టుతో విభుఁడు మారుకొనదగదు
చిట్టంటుఁజెనకులు సింగారాలు మేనికి
చుట్టరికము తోడనే చొక్కి మెచ్చవలెను
(॥అవ॥)
చండిపెట్టుక నవ్వేది సతులకు సాజము
పెండిలికూఁతురును గుంపించఁదగదు
అండనె శ్రీవేంకటేశ యట్టె కూడితి వీకెను
మెండగు మీ వలపులు మెరయఁగవలెను
(||pallavi||)
avadhāru vinavayyā aṁgana tagavulu
javaḽim̐ gūḍi sadigim̐ janaviyyavayyā
(||ava||)
kāṁtalagu sājamu gabbidanabum̐jem̐talu
paṁtāna magam̐ḍu yĕgu paṭṭam̐dagadu
viṁta bŏmmajaṁkĕnalu veḍugagu mūlamu
saṁtosāna jĕlarem̐gi sammadiṁchavalĕnu
(||ava||)
raṭṭaḍa sadulagunu rārām̐pulu sājamu
guṭṭudo vibhum̐ḍu mārugŏnadagadu
siṭṭaṁṭum̐jĕnagulu siṁgārālu menigi
suṭṭarigamu toḍane sŏkki mĕchchavalĕnu
(||ava||)
saṁḍibĕṭṭuga navvedi sadulagu sājamu
pĕṁḍiligūm̐turunu guṁpiṁcham̐dagadu
aṁḍanĕ śhrīveṁkaḍeśha yaṭṭĕ kūḍidi vīgĕnu
mĕṁḍagu mī valabulu mĕrayam̐gavalĕnu