അരിമുല്ലച്ചെടി വികൃതിക്കാറ്റിനെ
അത്തറുവില്ക്കാനേല്പ്പിച്ചു
നാഴൂരിയത്തറു കാറ്റെടുത്തു
നാടായനാടാകെ കടം കൊടുത്തു (അരിമുല്ലച്ചെടി)
പൂക്കാലം പോയപ്പോള് പൂമണം തീര്ന്നപ്പോള്
പൂങ്കാറ്റു മുല്ലയെ കൈയൊഴിച്ചു (പൂക്കാലം)
തെമ്മാടിക്കാറ്റിന്റെ ഭാവം കണ്ടിട്ടു
തേന്മുല്ല മൂക്കത്തു വിരലുവെച്ചു (അരിമുല്ലച്ചെടി)
തക്കം നോക്കി തെന്നല് ചെടിയുടെ
തളിരുകള് നുള്ളി തറയിലിട്ടു (തക്കം)
മലര്മുല്ലച്ചെടിയുടെ മാറില് തെന്നല്
മഴയുടെ അമ്പുകള് തൊടുത്തുവിട്ടു (അരിമുല്ലച്ചെടി)
കാറ്ററിയാതെ കാടറിയാതെ
കാലം മാറി കഥ മാറി
കാറ്ററിയാതെ കാടറിയാതെ
കാലം മാറി കഥ മാറി
കുടമുല്ല പൂത്തു മണം പാറി
കാറ്റിനു വായില് കൊതിയൂറി (അരിമുല്ലച്ചെടി)