అప్పటనుండి నాకు నందుకే వేఁడుకోఁబట్టె
(॥పల్లవి॥)
అప్పటనుండి నాకు నందుకే వేఁడుకోఁబట్టె
ముప్పిరి వేవేలకును మొక్కేఁ జుమ్మీ నేను
(॥అప్ప॥)
మేలమాడేవేళ నిన్ను మీరి నే నేమంటినో
బేలనై నీతో నెంత పెనఁగితినో
చేలికొంగు నీవంటఁగా చెయ్యేడఁ దాఁకించితినో
కేలెత్తి నీకిదివో మొక్కేఁ జుమ్మీ నేను
(॥అప్ప॥)
నీ కూడిగము సేయఁగా నిన్నఁ గా లేడ సోఁకెనో
ఆకుమడిచియ్యఁగా నిన్నంటెనో గోరు
దాకొని నీతో నవ్వఁగా తమ్ముల మేడఁజిందెనో
యీకడ మొక్కేఁ జుమ్మీ యెరఁగను నేను
(॥అప్ప॥)
చెనకి కాఁగిలించఁగా చెమ టెంత వడిసెనో
యెనయఁగా నీ చన్ను లెంత వొత్తెనో
నిను, శ్రీవేంకటేశఁడ నేఁ జేసిన చేఁతకెల్లా
మునుపనే వినయాన మొక్కేఁ జుమ్మీ నేను
(||pallavi||)
appaḍanuṁḍi nāgu naṁduge vem̐ḍugom̐baṭṭĕ
muppiri vevelagunu mŏkkem̐ jummī nenu
(||appa||)
melamāḍeveḽa ninnu mīri ne nemaṁṭino
belanai nīdo nĕṁta pĕnam̐gidino
seligŏṁgu nīvaṁṭam̐gā sĕyyeḍam̐ dām̐kiṁchidino
kelĕtti nīgidivo mŏkkem̐ jummī nenu
(||appa||)
nī kūḍigamu seyam̐gā ninnam̐ gā leḍa som̐kĕno
āgumaḍisiyyam̐gā ninnaṁṭĕno goru
dāgŏni nīdo navvam̐gā tammula meḍam̐jiṁdĕno
yīgaḍa mŏkkem̐ jummī yĕram̐ganu nenu
(||appa||)
sĕnagi kām̐giliṁcham̐gā sĕma ṭĕṁta vaḍisĕno
yĕnayam̐gā nī sannu lĕṁta vŏttĕno
ninu, śhrīveṁkaḍeśham̐ḍa nem̐ jesina sem̐tagĕllā
munubane vinayāna mŏkkem̐ jummī nenu