(॥పల్లవి॥)
అంతేసి దొరతనాల యాకె యీపె
కొంతపుఁజూపులఁ జట్టిగొని నాకె యీపె
(॥అంతే॥)
మట్టుమీరి లేకలంపి మాటమాత్రముననే
అట్టె యింటికి రప్పించినాకె యీపె
చుట్టమవలెను నీసొమ్ములెల్లాఁ దనమెడఁ
బెట్టుకొని నిన్ను మెప్పించినయాకె యీపె
(॥అంతే ॥)
చెంగటనే సేయరానిచేత సేసి నీవలపు-
లంగడిఁబెట్టినయట్టియాకె యీపె
కొంగువట్టి నీతోను కూరిములు గొసరుచు
అంగవించి చన్నులొత్తినాకె యీపె
(॥అంతే॥)
సెలవుల నవ్వునవ్వి చెక్కులు నొక్కుచు నిన్ను-
నలుకలుదీర్చినయాకె యీపె
అలమేలుమంగను నేననఁగా శ్రీవేంకటేశ
కలసితి విదే నాసంగడియాకె యీపె
(||pallavi||)
aṁtesi dŏradanāla yāgĕ yībĕ
kŏṁtabum̐jūbulam̐ jaṭṭigŏni nāgĕ yībĕ
(||aṁte||)
maṭṭumīri legalaṁpi māḍamātramunane
aṭṭĕ yiṁṭigi rappiṁchināgĕ yībĕ
suṭṭamavalĕnu nīsŏmmulĕllām̐ danamĕḍam̐
bĕṭṭugŏni ninnu mĕppiṁchinayāgĕ yībĕ
(||aṁte ||)
sĕṁgaḍane seyarāniseda sesi nīvalabu-
laṁgaḍim̐bĕṭṭinayaṭṭiyāgĕ yībĕ
kŏṁguvaṭṭi nīdonu kūrimulu gŏsarusu
aṁgaviṁchi sannulŏttināgĕ yībĕ
(||aṁte||)
sĕlavula navvunavvi sĕkkulu nŏkkusu ninnu-
nalugaludīrsinayāgĕ yībĕ
alamelumaṁganu nenanam̐gā śhrīveṁkaḍeśha
kalasidi vide nāsaṁgaḍiyāgĕ yībĕ